Көз тартарлық орындары
Сіздер керуен-сарайға суретке түсу үшін ғана бас сұқсаңыздар да, тарихи әсемдіктер мен ескерткіштерді қарауды бастап кетесіздер. Енді бір кездерде Шеки хандары тұрған Хан-сарайға барғандарыңыз лазым. Парсы стиліндегі ғимарат ХVIII ғасырда салынған (түрлі дерек көздері мерзімдері туралы әр түрлі ақпарат береді). Қазіргі уақытта хан ордасы мұражайға айналған. Сарайдың ішкі жасауынан ештеңе де қалмаған, бірақ бұл қабырғалардағы әшекейлі жазулардың әсемдігіне нұқсан келтірмейді, олардың сюжеттері мемлекеттің тарихы, сарайды мекендеген адамдардың әдет-ғұрыптары, әр кезеңдерде ел басқарған әміршілердің философиясы туралы көп мағлұмат береді. Мұражайдағы гидтер бөлмелердің қабырғаларына салынған шайқастар мен сюжеттердің мән-жайын баяндайды, қабырғалар мен төбелерді әшекейлеген жазулардың белгілері мен нышандарын түсіндіреді. Жергілікті аңыздар туралы хабардар етіп, шегесіз құрылыстың құпияларын және шебеке терезелерін дайындау шеберлігі жайында айтып береді, келген адамдар терезелерді көбіне витражбен шатастырады.
Жақын маңда орналасқан Шеки хандары үйінің ішкі жасауы мен тарихы да қызықты. Міндетті түрде көретін орындардың қатарында көне мешіттер мен ежелгі бекініс бар және, әрине, жер астындағы монша да назардан тыс қалмауы тиіс. Моншаға дәстүр бойынша тек жуыну үшін ғана келмеген — оның ішінде құпиялар ашылып, келісімдер жасалған, тағдырлар шешіліп, некеге уағдаласқан.