Гастрономия

Осындай серуеннен кейін жүрек жалғап алған да теріс болмайды. Шекиде сіздерге ең алдымен не ұсынады? Пити. Ол әзірбайжан тағамдарының ішіндегі ең сүйіктісі болып табылады, егер питиге аңсарларыңыз ауса, оның дәмін питидің отаны болып саналатын Шекиде тату керек. Жас қойдың етінен және нуттан пісірілетін, пияз бен дәмдеуіштер қосылатын хош иісті сұйық асты бірнеше сағат бойы пеш ішіне салынған қыш құмыраларда дайындайды да, үйдің тандыр нанын қосып береді. Питимен тамақтану — тұтас бір ғылым. Етті тәрелкеге салып, оған сорпа құяды да, сорпада нан жібітеді. Оны бірінші тамақ деп есептеуге болады. Қалған ингредиенттердің хош иісі сіңген нутқа жұқалап туралған пияз бен осы өлкеде кең тараған сумак қосады

— бұл екінші тамақ. Егер әзірбайжандық таныстарыңыздың бірі сіздерге пити ұсынатын болса, оның шекилік екендігін біліңіздер, басқаша болуы мүмкін емес.

Сіздерге бұл жерде міндетті түрде ұсынылатын тағы бір дәмді тағам — айрықша Шеки халуасы. Оны базардан сатып алуға да болады, бірақ халуа дайындайтын дүкенге барғандарыңыз жөн. Таң атысымен есіктің алдында тұратын кезек сіздерді алдамайды, өйткені Шеки халуасы — мерекеде сыйланатын кең тараған сыйлық, жергілікті адамдар оны қай жерде жақсы дайындайтынын біледі.

Оны дайындау әдісімен танысу үшін цехқа сұранудан қысылмаңыздар, әзірбайжандар — ақжарқын адамдар және бұған қарсы болмауы тиіс. Сіздер хас шебердің өте епті қимылмен күріштің сұйық қамырынан жұқа қаңқа дайындағанын көресіздер. Жанындағы шеберлер күріш шілтерінің қабаттарын қалыпқа салады, оны фундукпен толтырады да, бетін жауып, баспақпен бастырады, содан кейін бал мен қант қоспасынан жасалған ыстық шәрбатты сіңдіреді. Әйгілі халуаны тек ер кісілер ғана дайындайды, өйткені оның бейнеті ауыр болып саналады. Солардың бәрін отқа пісіргеннен кейін, халуаны қызыл запырангүлден дайындалған ою-өрнектермен