Белсенді демалыс
Акьяка қаланы қоршаған ормандардағы жаяу жүргіншілерге арналған соқпақтармен жүретін белсенді демалысты да ұсынады: соқпақтар Гекова шығанағының ғажайып көріністері ашылатын алаңдарға апарады, қаланың өзі шығанақтың шығыс жағында орналасқан.
Адамдар біршама көп жиналатын қаланың құмды жағажайына барып, теңізге шомылуға немесе анағұрлым оңашалау жердегі Чинар-бичке баруға болады. Оған серуен жолымен 45 минут жүресіздер немесе орман арқылы ағысы баяу және жағажайда бары бар, арқа жағын орманды тау қоршаған тып-тыныш қойнауға тартыңыздар.
Су спортының түрлерін ұнататындар кайтбордингте немесе кайтсерфингте күштерін сынап көрулеріне болады, олар адреналин шығаруға керемет көмектеседі: серфингке арналған тақтайдың үстінде тұрып, жел күшінің бағыты бойынша су бетімен қозғалып отырасың. Бір жағына тау, екінші жағына жазықтық орналасқан Акпинар-бич жағажайында спорттың осы түрі үшін мінсіз жағдай жасалған — желдің екпіні қатты және суы таяз.
Жағажайда тақтайда тұрып су бетімен қозғалуға үйрететін бірнеше мектеп бар. Мектепке апаратын жолда орман соқпақтарымен жүріп отыруға тырысыңыздар, одан шығып кетпеңіздер, өйткені жағажай тасбақалар ұялайтын маңызды орындары бар табиғатты қорғау аумағы болып табылады.