Келесі бекет. Өз таңдауларыңыз

Шын мәнінде Делфтен әрі қарай саяхатты жалғастыра отырып, іскерлік костюм киген, кемеліне жеткен ханым іспеттес, іскер, салмақты, өзінің нақты кестесі, ұстамды да дана мінезі бар, алайда қонақтарды тиісінше қарсы алуға дайын Гаагаға бару әбден қисынды болар еді. Мұнда Нидерландының корольдік сарайы орналасқан, парламент пен үкімет резиденциясы да осында. Халықаралық қылмыстық сот, Халықаралық төрелік сот және Бұұ-ның халықаралық соты да осында, Гаагада орналасқан. Дегенмен, біз мұнда олар үшін келген жоқпыз. Гааганың архитектурасы — барокко және ар-нуво. Амстердамның кіші қарындасы кең көшелерімен, сәнді ғимараттарымен мақтана алады, оның рухы мен көңіл-күйі астанадағыдан елеулі ерекшеленеді. Мұнда жұмыс бабымен және дүкен аралау үшін келеді.

Сондықтан әсем де іскер Гааганы қарап шыққаннан кейін оңтүстік жаққа — Роттердамға бет түзейік. Бұл — елдің көлемі жағынан екінші қаласы, алдыңғы межелі орынды астананың салмақты қарындасы деп атауға болса, Роттердам сауық-сайран құрғанды ұнататын інісінің роліне ұмтыла алады. Бұл Голландиядағы еркіндік пен клуб мәдениетінің өзіндік бір орталығы іспеттес. Әрі Роттердам — Еуропадағы ең үлкен порт. Бірақ ең бастысы — бұл қала суретшілер мен музыканттардың, мүсіншілер мен сәулетшілердің, еркін махаббат пен тиімді өмір сүрудің мекені болып табылады. Тиімділік, ең алдымен, бұл жердегі бағалардың амстердамдық бағалардан орташа есеппен алғанда бір жарым есеге төменірек болуынан көрінеді. Бұл жерде (сонымен қатар, бүкіл елде) қарапайым ғимаратты оңайшылықпен кездестіре алмайсың, ал архитектура тұрғысынан Роттердамда постмодернизм үстемдік құрып тұр. Салыстырмалы түрде жақында, өткен ғасырдың 90-шы жылдарында салынған куб пішіндес бірегей үйлер, сондайақ голландтықтар сүйсініп аққу деп атайтын