Карвасла
Бұл — тифлистік керуен-сарайлар: олардың барлығы Сион соборының айналасында орналасқан және бәрі XIX ғасырдан кейін салынған. Құрылымдық ұқсастықтары сол кездегі құрылыстың ерекшеліктерімен байланыстырылады, бұл — қонақүй, дүкен және қолөнер шеберханалары функцияларын қатар алып жүретін, сырты тас, ағаштан жасалған балкондары ішкі аулаға қарайтын керуен сарайлар. Олар бір-бірінен көлемімен және қасбеті мен интерьерінің стильдік шешімімен өзгешеленеді. Ең айшықты карвасла патша Ираклий Екіншінің қызы
Текле Батонишвилидің атымен аталады, ол
1795 жылы парсылар талқандаған, «патша жаңғағы» деп аталатын жерде салынған, еуропалық-мавритандық ерекшеліктерді: классицизм мен ислам стилінің қоспасын қамтитын эклектикалық қасбеттерімен ерекшеленеді (Сион көшесі, 13/40). Жақын маңда, Леселидзе көшесінде псевдоисламдық стильдегі карвасла өз тағдырын күтіп тұр — керемет әдемі ғимарат түпнұсқалық сұлулығын бұзып алмау үшін баяу, әрі мұқият жөндеуден өткізілуде. Есесіне, осындай ғимараттардың ішіндегі ең ескісі — Ацруна карвасласында күрделі жаңғыртудан кейін 1985 жылдан бастап Тбилиси тарихи мұражайы орналастырылды. Экспозиция салыстырмалы түрде шағын, бірақ экспонаттарының барлығы түпнұсқалық, әрі керуен сарайдың ішкі құрылысы онда перфоманстар, шығармашылық кештер, көрмелер, таныстырылымдар және дефилелер ұйымдастыруға мүмкіндік береді.