Қытайдың желкенді астанасы
Циндао әрқашан теңізбен тығыз байланысты болған; бұл — дана, сонымен бір мезгілде заманауи қала. Қаланы екі жағынан қоршап тұрған Сары теңіздің арқасында мұнда Азиядағы ең үлкен жағажай орналасқан; мұнда негізінен теңіздегі белсенді демалысты ұнататындар келеді, көптеген жергілікті әдет-ғұрыптар мен фольклор да теңізбен байланысты. Бұдан басқа, қала 2008 жылы Пекинде өткен Олимпиада ойындарынан қалған мұрасын заңды түрде мақтан тұтады, сол кезде желкенді жарыстар нақ осы жерде өткен болатын.
Мамыражай шуақты күні Циндаодағы Олимпиадалық желкенді спорт орталығына, Fushan Bay-ге жақын маңда орналасқан, 450 мың шаршы метрлік аумақты алып жатқан яхталарға арналған айлаққа барыңыздар. 2008 жылдың жазында мұнда XXIX Олимпиада ойындарының желкенді жарыстары өткен, онда бүкіл әлемнен яхташылар мен желкенді спорт әуесқойлары көптеп жиналған болатын.
Егер сіздер сол кездегі еліктіретін Олимпиада жарыстарын көрмеген болсаңыздар, онда экспозициясына мыңдаған экспонаттар қойылған, орталықтың ішінде орналасқан Желкенді спорт мұражайынан сол кездегі жарыстардың рухын әлі де толық шамада сезіне аласыздар. Мұражаймен көршілес орналасқан Олимпиада кешенінің көптеген объектілері қайта құрылды: спортшыларға арналған деревня — бес жұлдызды қонақ үйге, логистика бөлімі бизнес-орталыққа айналды, ал яхталарға арналған айлақтың бір бөлігі жағалау маңындағы театр болып қайта