Біздің жетінші жеңісіміз
«Эйр Астана» «Орталық Азия мен Үндістандағы ең үздік әуе компаниясы» номинациясында жеңіске жетіп, 4 жұлдызды рейтингке ие болды және жетінші рет қатарынан Skytrax World Airline Awards сыйлығын иеленді. Жеңімпаздарды салтанатты марапаттау рәсімі 2018 жылғы 16 шілдеде Лондондағы Langham қонақ үйінде болып өтті.
Жыл сайынғы сыйлықты әр түрлі кластарда саяхаттайтын әуе компаниялары клиенттерінің қанағаттану дәрежесін зерттеу қорытындылары бойынша Skytrax компаниясы береді және ол әлемдегі ең беделді сыйлықтардың бірі болып табылады. 19 миллионнан астам әуе жолаушыларымен жер бетінде және борттық қызмет көрсету жөнінде сауалнама жүргізіліп, 10 ай бойы деректер жиналды. Әуе компаниялары қызметтерінің сапасын бағалау тіркеу, отырғызу, салонның жайлылығы, тазалық, тамақтану, сусындар, бортта уақыт оздыру жүйесі және борттық қызмет көрсету сияқты ұсынылатын қызметтердің сапасына қатысты бірқатар өлшемдер бойынша жүргізілді. Зерттеу ірі халықаралық әуе тасымалдаушыларынан шағын жергілікті әуе тасымалдаушыларына дейінгі 200-ден астам әуе компанияларын қамтыды.