Мерейтойыңмен, Астана!
«Эйр Астана» Астананы 20 жылдығымен құттықтады. 2002 жылы Астана мен Алматы арасындағы ұшу сапарларын күнделікті 3 рейстен бастаған әуе компаниясы қазіргі уақытта олардың санын 9-ға дейін арттырды. «Эйр Астана» 23 халықаралық бағыт бойынша Астанадан Ресейдің, Германияның, Ұлыбританияның, Францияның, Үндістанның, Қытайдың, Таиландтың, Оңтүстік Кореяның, Әзірбайжанның, Грузияның, Түркияның, Баә-нің, Қырғызстанның және Өзбекстанның ірі қалалары мен астаналарына, сондай-ақ Қазақстанның 9 қаласына рейстерді орындайды.
2002 жылдан бастап «Эйр Астана» Астана қаласының әуежайына/әуежайынан барлығы
18,4 миллион жолаушыны тасымалдады. Қазақстан арқылы транзитпен жүретін халықаралық рейстер жолаушыларының саны 2010 жылғы 10 718 жолаушыдан 2017 жылғы
488 714 жолаушыға дейін артты. Бір аптада орындалатын халықаралық рейстердің саны 2011 жылмен салыстырғанда 4 есеге ұлғайды, қазіргі кезде аптасына 117 ұшу жүзеге асырылады, ал 2020 жылға қарай бұл санды екі есеге ұлғайту жоспарлануда.