#Followmeto Қазақстанда
Саяхаттар туралы #Followmeto атты бүкіл әлемге танымал жобаны құрған Наталья және Мурад Османн ғаламшардың түкпір-түкпірінен 6 млн.-нан астам жазылушы қадағалап отырған Instagram парақшалары үшін жаңа кадрларды іздеп, түсіру командасымен бірге Қазақстанға келіп қайтты. Олардың топтарының құрамына әр түрлі елдерден жас талантты режиссерлар мен операторлар кіреді. Солардың қатарында Иван Дорн, L’one, Miyagi, Скриптонит және Баста үшін клиптар түсіріп үлгерген 20 жасар қазақстандық режиссер Айсұлтан Сейітов бар. «Эйр Астана» топтың біздің елімізге жасаған сапарына қолдау көрсетті. #Followmeto маршрутына Алматы, Астана және Ақтау қалалары енді. Қазақстанда жұлдызды блогерлер жергілікті табиғат сұлулықтары мен туристік көрікті жерлерді суретке түсірді.