Жүргізуші ролі туралы
Менің өмірімдегі басты ролім — жүргізуші болу. Ол менің барлық мамандықтарым мен әуестіктерімнен бой көрсетті. Бұл жазмыш деп ойлаймын. Реинкарнация жөніндегі мамандар бірде маған өткен өмірлерімде кебіс тігуші, кеме жасаушы және кемедегі лоцман-навигатор болғанымды есептеп берген болатын. Мен басында бұған күлгеніммен, кейіннен бәрінің үйлесіп тұрғандығын түсіндім. Бір кездері, әсіресе жас кезімде, 60-шы жылдары бүкіл отбасымның аяқ киімдерін оп-оңай жөндеп жүргенім есіме түсті. Ол бір қиын-қыстау кез болатын, жаңа аяқ киімді сатып алу қымбатқа түсетіндіктен, мен ескісін жөндеуге икемденіп алдым. Мені ешкім үйреткен де емес, мен мұны өзім білетінмін. Қолымның шеберлігі де бар еді: үйдегі және саяжайдағы бүкіл жиһазды мен өз қолыммен, өзім жасадым. Үш саяжай үйін өзім салып шығардым. Бірақ көбінесе жол бастайтын адам, навигатор болуыма тура келетін. Телевидениеде, радиода, сахнада және студенттер аудиториясында.