Аса мейірімсіз емес әзәзілдер
Бали — құдайлардың ғана емес, сонымен қатар, әзәзілдердің де аралы. Балиліктердің түсінігінше, біздің өміріміз — жақсылық пен жамандықтың, мейірімсіз және аса мейірімсіз емес әзәзілдердің күресі және олар біздің ішімізде. Бүкіл жергілікті мифология, философия және мәдениет осыған арналған. Міндетті түрде осы туралы баяндайтын әсерлі көріністерді тамашалаңыздар. Мысалы, бір жарым сағатқа созылатын шоу — Баронг биіне баруға болады, бұл — Батубулан деревнясындағы ескілікті сахнада күн сайын көрсетілетін костюмді көрініс. Бұл театрландырылған қойылымда жауыз мыстан кемпір де, қайырымды рухтар да, басты кейіпкер және, әрине, әзәзілдер де бар. Ақыр соңында, кез келген аңыздағы сияқты, жақсылық жеңеді.
Тағы бір әсерлі дәстүрлі шоуды аралдың ең басты айшықты орны — Вишну құдайға қойылған монументтің түбінде көруге болады. Ол Гаруда Вишну Кенчан паркінде, шолу алаңында орналасқан. Біз сағат 17:00-де басталатын кешкі шоуға келдік. Бізді әсем костюмдер, сұлу актрисалар, күннің батқан көрінісі таң қалдырды — балиліктер кез келген нәрсені мерекеге айналдыруды жақсы көреді. Бұл жерде әрқашан бәрінің жақсы болатындығына сенімді болуға болады!