Батареяларды қуаттау
Үндістанда табиғи сауықтырудың көп ғасырлық дәстүрлі жүйесі — аюрведа қолданылады, оның арсеналында өсімдік негізіндегі емдік құралдар, массаждар және арнайы диеталар бар. «Аюрведа»
«өмір ғылымы» ретінде аударылады. Ол дербестендірілген тәсілді меңзейді: дәрігерлер пациентті қарап-тексереді, тамыр соғысын өлшейді және жеке емделу жоспарын тағайындайды.
Терапияның мақсаты — арнайы шөптер мен эфир майларын қолдана отырып жасалатын массажды, диета сақтауды және көптеген басқа да нәрселерді қамтуы мүмкін әр түрлі процедуралар арқылы ақыл-ой мен дене теңгерімін орнату.
Арналар мен өзендердің тұтас бір желісі кесіп өтетін оңтүстіктегі Керала штатында медициналық аюрведалық орталықтар көптеп орналасқан. Кераланың тропикалық климаты терапияда қолданылатын шөптердің мол өсуіне септігін тигізеді, орталықтардың көбі қажетті шөптер мен өсімдіктерді өздері өсіреді. Сіздер өз бюджеттеріңізге сай келетін курортты оңай таба аласыздар. Сароварам — бір отбасының иелігіндегі аюрведалық