Тимур Эпов, фотограф
Менің сүйікті қалаларымның бірі — Үндістанның Гоа штатының астанасы болып табылатын Панаджи қаласы. Мұнда әр қадам сайын Португалия еске түседі. Ол архитектурадан да, тағамдардан да және тіпті гоалықтардың өздерінен де көрініс табады. Маған олардың сырт келбеттерінде еуропалық белгілер бар сияқты. Панаджиде қыдырып жүргенді, орталық базарда және оның қалтарыстарында әлденені суретке түсіргенді жақсы көремін. Бұл жерде жасалған әрбір фотосурет тек Үндістанға ғана тән құлпырған айшықты бояуларға толы болады. Бұл қалада уақыт тоқтап қалғандай көрінеді. Мұнда үш жыл қатарынан келіп жүріп, әр жолы өткен сапарымнан бері бір жыл уақыт өткендігін ұмытып кетемін. Бұл бірегей қаланың қалған Үндістанға ұқсамайтындығы соншалық, Гоа өзінің астанасы Панаджи қаласымен бірге жеке мемлекет, ел ішіндегі ел сияқты болып көрінеді.