Салтанат Дәуітқұлова, әуе компаниясының қызметкері
Хьюстон — менің студенттік жылдарым өткен қала. Оның бетке ұстары — Даунтаундағы зәулім ғимараттар ауданы. Қалада Хьюстон-гранд-опера, Хьюстон балеті, Хьюстон симфониялық оркестрі, Элли-фиэче театры бар. Көптеген ресторандары, кинотеатрлары, алаңдары мен парктері бар Байю-плейс ойын-сауық кешені де осында орналасқан. Техас өзінің ковбойлық дәстүрлерімен белгілі: Астродом стадионында нағыз родеоны көруге болады.
Хьюстонды көбінесе «Ғарыш қаласы» деп атайды, өйткені мұнда күн сайын көптеген туристерді қабылдайтын НАСА ғарыш орталығы орналасқан.
Хьюстон Мексикамен шекаралас болғандықтан, мұнда мексикалық тағамдар ұсынылатын Vida Loca Mexican Bar and Grill ресторанында ұмытылмас кеш өткізуге, сондай-ақ бос уақыттарыңызда Мексика шығанағында (Хьюстоннан 85 км қашықтықта) жүзіп көрулеріңізге болады.