Маринелла Волтурале, қоғам қайраткері
Флоренция ахуалын сөзбен айтып жеткізу қиын. Бұл — дәстүрлері қазіргі заман болмысымен тығыз байланысатын өте ежелгі қала. Мұнда көптеген еуропалық қалалардың архитектурасында үлкен із қалдырған Филиппо Брунеллески мен Леон Баттиста Альбертидің бірегей сәулет құрылыстары сақталған! Флоренция туралы айтқанда, Санта-мариядель-фьоре готикалық кафедралды соборы, атақты Корридоро-вазариано өтпе жолы бар Понте-веккьо көпірі туралы айтпай кету мүмкін емес, онда сіздер зергерлік бұйымдарды, кәдесыйларды және көптеген басқа да заттарды сатып ала аласыздар. Флоренция өзінің дүкендерімен танымал, мұнда сіздер қала орталығынан да, қала сыртындағы аутлеттерден де жыл бойы 30%-дан 70%-ға дейінгі жеңілдіктермен люкстік брендтердегі барлық бутиктерді таба аласыздар. Менің сүйікті рестораным — Buca Mario ресторанында міндетті түрде флоренциялық стейктің дәмін татыңыздар. Италияның туристік орындарында дәмді тамақтанатын жерлер сирек кездеседі, ол үшін орталықтан қашық орналасқан ресторандарды іздеу қажет, бірақ бұл ресторан ерекше — мұнда бәрі өте дәмді.