Французша Рождество: шампан және қорғандар
Егер сіздер Луара өзенінің аңғарына жазда келсеңіздер, ұйқыдағы арудың сиқырлы сарайларын тамаша ауа райынан ләззат алып, шолу аумағыңыздың бәрін басып алған туристер топтарымен бөлісулеріңізге тура келеді. Бірақ адам аяғы басылып қалған қысқы мезгілде сіздердің француз ертегісіне шомуларыңызға ештеңе де кедергі келтірмейді. Қорғандар қысқы күн көзінің көз қарықтырар сәулелерінен жарқырап, бақтарға ашылатын тамаша көріністен тыныстарыңыз тарылады.
Бақтар қысқы ұйқыға батқанда, сіздер босап қалған гүлзарлардың дизайнын, жалаңаштанып қалған жердің қатаң белгіленген межелерін, айналада маңғаз кейіппен зорайып тұрған мұнараларды, қорған дуалдарын, сұлбалары анық көрінетін, айналасын қоршап тұрған ағаштардың жапырағы көлегейлемеген қорғандардың өркешті қабырғаларын анықтап көре аласыздар. Ішке кіріп, Францияның ең есте қаларлық қорғандарының орасан үлкен, төбелері өте биік бөлмелері мен тастан қаланған залдарында ақырын басып жүріп келе жатқанда, аң терісімен әдіптелген қалпақтар мен
қой терісінен жасалған етіктің футболка мен кроссовкадан гөрі әлдеқайда романтикалық және сол дәуірге жақынырақ екендігін түсіне бастайсыздар. Жылдың жылы мезгілінде адам соншалықты көп болатын кафелерде, каминде сытырлап жанған оттың жанында ыстық шоколад пен галетадан дәм татып, глинтвейн ішіп, күштеріңізді қалпына келтірулеріңізге болады.
Луара өзенінің бойында орналасқан осынау қысқы романтикалық қамалдарда әлдебір сиқырлы және құдіретті күш бар. Кло-люсе қорғанында Леонардо да Винчи қайтыс болған, Шамбор қорғаны салынып бастаған және Екатерина Медичи дүниеге келген
1519 жылы бейнелеу, сәулет өнері, әдебиет және жаңа идеялар өркендеген осынау көрнекті кезеңнің басталуы дәстүрлі түрде Ренессанс дәуірі бастау алған жер деп есептелетін Луара аңғарымен байланыстырылады. Енді, 500 жыл уақыт өткеннен кейін осы аймақта 500-ге жуық жоба іске асырылады, солардың алғашқысы «Қорғандар өлкесіндегі Рождество» болып табылады. 2300-ден астам ойыншықпен безендірілген жаңа жылдық шыршаларды, сансыз көп шырақтармен және шамдармен жарықтандырылған бөлмелердің ішінде шашылып тасталған әр түрлі тәттілері бар қанттан жасалған мүсіндерді көз алдарыңызға елестетіп көріңіздерші. Әрбір қорғанда өзінің қысқы таңғажайыптар елі бар; біз сіздерге қыс айларында барып көруге тұрарлық солардың ең үздік төртеуі туралы әңгімелеп береміз.