Шамбор қорғаны
«Желмен желбіреп тұрған әйел шашы» — өзінің террасаларымен және мұнараларымен белгілі болған Франциск I-нің атақты жобасы — Шамбор қорғанын Шатобриан ақын осылай сипаттаған. Ұзындығы 20 мильдік қабырғамен қоршалған,
426 бөлмесі, 83 сатысы, 800 капителі және
282 камині бар, солардың бірінде кафеге келушілер үшін жалындап от жанып тұратын, барлық қорғандардың ішіндегі ең көз тартарлық қорған осы болса керек. Шын мәнінде Шамбор бүгінде бұрынғы атақ-даңқының бұлдыр көлеңкесі ғана болып табылады. Бұл оның қосарланып шиыршықталған керемет бұралмалы басқышты жобалаған Леонардо заманындағы келбетінің жаңғырығы ғана. Дегенмен, жазғы маусымның қызып тұрған шағында 2000 адамға дейін келетін, жан-жақтарына жіті көз тастайтын туристер болмағанда, қорған лабиринттері сондай керемет болып көрінеді. Таяуда ғана реставрацияланған парктің көлемі бұрынғы қалпында қалған; бұрынғы кездердегідей, ол жылдың кез келген мезгілінде келушілерге үлкен қуаныш сыйлайды, мұнда барлық бағыттарда созылып жатқан соқпақ жолдар өте көп. Рождество Шамборға жарқылмен, дәстүрлі үстел ойындарымен, Қайта өркендеу дәуірінің билерімен, костюмдерін киіп, серуендеп жүрген ертегі және фильм кейіпкерлерімен бірге келеді. 2018 жылғы жаңалық — бақтар мен қорғанның солтүстік қасбетінің жарықтандырылуы, сондай-ақ қорғанның ішінде және сыртындағы соқпақ жолдардың бойында безендіріліп қойған 150-ден астам шырша.