Құрметті «Эйр Астана» жолаушысы!
2018 жылғы 29 қазанда Алматының оңтүстігіндегі Тянь-шань тауларында сирек кездесетін оқиға орын алды: онда орнатылған қозғалысқа сезімтал камера 21 секундтық бейнежазба түсірген, онда ұрғашы қар барысы қос күшігін ертіп, қар басқан тау бөктерінде жайлап басып жүріп барады. Бұл әдемі Panthera Uncia жабайы мысығы әлдеқашан
IUCN — Халықаралық табиғат қорғау одағының қорғалатын түрлер тізіміне енген. Қар барысының табиғи мекендеу ортасына адамның басып кіруінің және браконьерліктің салдарынан олардың жабайы табиғаттағы саны 3500 бастан аспайды, солардың тек бірнеше жүзі Қазақстанды мекендейді. Сондықтан жабайы табиғаттағы жануарларды қорғаумен айналысатын ҚР Білім және ғылым министрлігінің Зоология институты жанындағы Wildlife Without Borders коммерциялық емес ұйымына демеушілік жасау «Эйр Астана» үшін — үлкен құрмет. Астана қаласында өткен біздің Embraer E2 ұшағымыздың таныстырылымында біз Wildlife Without Borders қорының өкілі доктор Юрий Грачевқа WWB арналған қаражатты табыстадық. Ол қар барыстары мекендейтін шалғай жерлерде пайдаланылатын көлік пен жабдыққа жұмсалады.
E2 лайнерінің ливреясы қар барысы түрінде орындалған. Бұл Юрий Грачев пен оның әріптестерінің жұмысына назар аудару мақсатында жасалды. «Эйр Астана» ол үшін әлемдегі екінші оператор болған ұшақ бүгінде ең заманауи аймақтық лайнер болып табылады. Өзінің алдындағы ізашары E190 ұшағымен салыстырғанда көміртек ізінің шамамен 17%-ға едәуір азаюы, сондай-ақ шуыл деңгейінің төмендеуі оның салонын, бәлкім, бүкіл тарих бойында ең тыныш салон ететін болар, бұл Embraer және «Эйр Астана» компанияларының авиация саласындағы жоғары экологиялық стандарттарға бейілдігін көрсетеді. Бизнес және эконом кластағы 108 жинақы отырғыш, ерекше жарықтандыру жүйесімен жабдықталған салон және кіріктірілген ойын-сауықтар жүйесі біздің аймақтық бағыттарымыздағы сапарларыңыздың жайлылығын қамтамасыз етеді.
«Эйр Астанамен» ұшу сапарларыңыз жайлы болсын!
Құрметпен,
Питер Фостер,
«Эйр Астана» әуе компаниясының президенті