Құрметті «Эйр Астана» жолаушысы!
Менің отандастарым Артур Конолли мен Чарльз Стоддартқа Бұхара ұнаған жоқ. Олар мұнда құрт-құмырсқа, жәндіктердің талауына зынданға тасталып, кейіннен Арк ретінде белгілі бекіністе көпшілік алдында бастары алынды.
Бұл 1842 жылы болатын. Бақытымызға орай, бүгінгі таңда мұнда келушілер Бұхарадан осындай күйзелістерсіз-ақ ләззат ала алады. Исламның таралуының ең ежелгі және әйгілі орталықтарының бірі болған бұл қаланы
XIII ғасырда монғолдар талан-таражға салып, бір жарым ғасырдан соң Ұлы Темір қалпына келтіріп, нығайтқан. Тимуридтердің ежелгі астанасы — Самарқан қаласы өзінің керемет ескерткіштерімен атағы шыққан, алайда
Бұхара Жібек жолындағы барлық қалалардың ішінде ең әдемісі болса керек, өйткені оның тамаша сақталған ортағасырлық ескі келбеті осы күнге дейін жеткен. Бүгінде қаланың айшықты мешіттері, әдемі безендірілген сәулетті сарайлары мен медреселері қалпына келтірілген, ал саялы алаңдары мен аулаларының, дәмханаларының, керуенсарайлары мен экзотикалық базарларының жан дүниені тыныштандыратын ахуалы Бұхараны ізденімпаз саяхатшылар үшін тартылыс орталығына айналдырды. Өзбекстанның жаңа визасыз режимі мен «Эйр Астана» әуе компаниясының тұрақты рейстерін пайдалана отырып, жаппай туризмнің сөзсіз болатын лап қоюынан бұрын көршілес Ташкентке барып үлгеріңіздер. Бұхараның керемет кілемін алмай кетпеңіздер (бірақ фабрикалық көшірмесінен сақ болыңыздар). Қаласаңыздар, «қаһарға ұшыраған тұтқындардың» тасталғандығы туралы түсіндірме жазбалары бар сол зынданды да барып көрсеңіздер болады.
Ұзақ кешеуілдеуден кейін біз көктемде ақыры өзіміздің Airbus 321 Long Range екінші және үшінші лайнерлерімізді аламыз.
Олар біздің мәскеулік және лондондық маршруттарымызға қызмет көрсететін болады. Сонымен қатар, таяу уақытта олар Парижге, Франкфуртқа, Дубайға және Стамбулға ұшатын рейстердің жаңартылған кестесіне де қосылады. Бүгінгі таңда бұл ұшақтың ең жайлы тар фюзеляжды әуе лайнері болып табылатындығына сенімдімін және көбіңіз жақын арада бұған өз көздеріңізді жеткізе аласыздар деп үміттенемін.
«Эйр Астанамен» сапарларыңыз сәтті болсын! Құрметпен,
«Эйр Астана» әуе компаниясының президенті