Air Astana

Қайта түлеу / Recharge / Перезапуск

Міне, әлемді COVID-19 вирусы пандемиясының шарпығанына бір жылдың жүзі болып та қалды. Одан ең көп зардап шеккен салалардың бірі авиация болып табылады. Бірақ әуе компаниялары оңайлықпен берілмек емес; аман қалу тәсілдерін іздеу үстінде олардың кейбіреулері жолаушыларға жаңа қызмет түрлерін ұсынады. Air Astana да жаңа нақтылық жағдайларында жұмысын жалғастыра отырып, қалыптасқан жағдайдан шығу жолдарын табады.

ЖЫЛ ОН ЕКІ АЙ АНТАЛЬЯ

Қазақстандық саяхатшылар Түркияның Анадолы жағалауында демалуды өте жақсы көреді, ал енді оларда Алматы мен Нұрсұлтан арқылы Антальяға жыл он екі ай бойы ұшу мүмкіндігі бар. Рейстер Airbus-321lr әуе лайнерімен орындалады.

Әлдекімдер: «Қыста ол жақта не бар?» деп айтуы мүмкін, бірақ олар қатты қателеседі.

Тау жоталары Антальяны солтүстіктің үскірік желінен жауып тұрады, сондықтан қыста мұнда +10 ос-тан +17 ос-қа дейін айтарлықтай жылы болады. Антальяның өзінде сіздерді көптеген қызықты нәрселер: тарихи ескерткіштер, сарқырамаларға саяхаттар, ескі қала, теңіз қарақшыларының көңілді серуен кемелері бар порт, керемет парктер, тамаша океанариум, велосеруендер, жағымды маусымдық жеңілдіктері бар дүкендерді аралау күтеді.

Антальяның көп қонақ үйлері жыл бойы жұмыс істейді. Қыста туристерге жергілікті спа орталықтарында бірқатар сауықтыру процедуралары, мысалы, күйзелістен және ағзаларында жиналып қалған токсиндерден немесе артық салмақтан арылғылары келетіндерге арналған ерекше бағдарламалар ұсынылады. Осы кезеңде тұру бағасы әдеттегіден әлдеқайда төмен болады, бес жұлдызды қонақ үйлер көбінесе үш жұлдызды қонақ үйлердің бағасымен сатылады. Егер сіздер гольф ойнап үйренуді армандаған болсаңыздар, қыс маусымы — бұл үшін ең қолайлы уақыт: Анадолы аймағында көптеген әдемі гольф алаңдары бар, қыста гольф таяғын ұстауға сіздерді жылдың жылы мезгіліне қарағанда неғұрлым қолжетімді бағамен үйретеді.

ЖҮК ТАСЫМАЛДАРЫ, ЭКСПРЕСС-ПОШТА ЖӘНЕ ЖАҒЫМДЫ ҰСАҚ-ТҮЙЕКТЕР

Қатаң карантин кезінде Air Astana Boeing 767 лайнерін жүк көтергіштігі 35 тоннаға дейінгі жартылай жүк ұшағы етіп қайта жабдықтауға рұқсат алды, енді компания жүк чартерлік рейстерін жүзеге асыру бойынша қызмет көрсетеді. Толық ақпаратты cargo.charters@ airastana.com электронды адресі бойынша сұраным жолдай отырып білуге болады.

Air Astana сондай-ақ MYMAIL экспресс-пошта қызметтерін табысты дамытуда. Бұл — салмағы 3 килограмға дейінгі жазбаша корреспонденцияны, құжаттарды және сәлемдемелерді Қазақстан, Ресей және Қырғызстан бойынша жеткізудің ең жылдам тәсілі. Жеткізу уақыты — 5 сағаттан жоғары. Жөнелтуге сондай-ақ дәрі-дәрмектер мен медициналық мақсаттағы тауарлар, автокөліктердің қосалқы бөлшектері, сыртқы қатты дискілер, Usb-жинақтауыштар, CD-ROM, DVD-ROM форматындағы дискілер және т.б. қабылданады. Жөнелтуге қабылданатын заттардың тізімін және қабылдау шарттарын сіздер mymail@airastana.com электронды адресі арқылы нақтылай аласыздар.

Брендтелген тауарларды жақсы көретін және әуе компаниямыздың бір бөлшегі әрдайым қасында болғанын қалайтын адамдарға market.airastana.com адресіндегі Air Astana Market интернет-дүкеніне бас сұғуға кеңес береміз. Мұнда сіздер біздің ұшақтарымыздың үлгілерін, киімдерді, қызықты аксессуарларды, жол жинақтары мен косметика сөмкелерін, соның ішінде бизнескласс жолаушыларына таратылатындарын — басқаша айтқанда, сіздердің саяхаттарыңызды ғана емес, күнделікті өмірлеріңізді де жайлы әрі жағымды етуге көмектесетін және сүйікті әуе компанияларыңызбен жағымды ұшу сапарларын әлі ұзақ уақыт еске түсіретін нәрселердің барлығын сатып алуға болады.