Tenir заманауи экологиялық қонақ үйі
Іле Алатауының сілемдерімен қоршалған Шымбұлақ курортында жаңа туристік нысан — Tenir бірегей, жайлы экологиялық қонақ үйі ашылды. Теңіз деңгейінен 3200 метр биіктікте орналасқан ол Қазақстандағы жалғыз биік таулы қонақ үй болып табылады және әлемдегі тау қонақ үйлерінің үздік ондығына кіреді.
Оңашалану, саф таза ауа, кіршіксіз сұлулық және бас айналдырарлық пейзаждар — осының барлығы Tenir туралы. Қонақ үй бірбіріне жақын орналасқан 10 модульдік үйден тұрады, олардың әрқайсысы жеке қонақ үй нөмірі болып табылады.
Бұл нөмірлердің басты ерекшелігі — қар басқан тау шыңдары мен Богданович мұздығына қарайтын үлкен панорамалық терезе. Қонақ үй нөмірлері 8 жас пен 14 жас аралығындағы бір баланы орналастыру мүмкіндігімен екі ересек адамға есептелген.
Серуендеуден немесе сырғанаудан кейін шаңғылар мен сноубордтарды арнайы қорғалған құрылғыда мықтап бекітіп, әр нөмірде болатын фин саунасында қыздырынуға болады. Жоғары жылдамдықты интернет, теледидар, акустикалық жүйе кештерді үйреншікті заманауи өмір ырғағында өткізуге мүмкіндік береді. Tenir қонақ үйінің қонақтары үшін Шымбұлақ таулы курорты ұсынатын қызметтердің кең ауқымды спектріне толық қолжетімділік беріледі.
Қонақ үйдің жанында орналасқан екі жайлы мейрамханада керемет тағамдар ұсынылады, әрі бұл жерден таулар мен қалаға таңғажайып көрініс ашылады.
Қонақ үй экологиялық материалдардан салынған және ресурс үнемдейтін технологияларды қолданады, оның аумағында суды тазарту және қоқысты бөлек жинау жүйелері орнатылған.
Tenir экологиялық қонақ үйі қонақтарды жыл он екі ай бойы қабылдайды. Нөмірді tenirhotels.com ресми сайтында брондауға болады.