Құрметті Air Astana жолаушысы!
2002 жылғы 15 мамырда жақында ғана құрылған Air Astana әуе компаниясы өзінің алғашқы коммерциялық рейсін орындады. Құрылғанымызға 20 жылдың жүзі болған қазіргі уақытта соңғы 15 айда бәріміздің басымызға түсіп отырған коронавирус пандемиясы саяхат және туризм индустриясына үлкен сынақ болып отыр, алайда Air Astana компаниялар тобы бірнеше себепке байланысты болашаққа зор үмітпен қарайды. Біріншіден, Қазақстан үкіметі тарабынан оң қадам жасалып,
«Тестсіз ұшуға болмайды» деген қатаң ереже енгізілді, бұл ережеге сәйкес, барлық жолаушыларда ұшып шығатын және келетін халықаралық рейстерге өту үшін COVID-19 вирусына теріс нәтижелі ПТР тесті болуы тиіс. Біз жолаушылардың да, экипаждардың да денсаулығын қорғауға бағытталған осындай қатаң шараларды толығымен қолдаймыз. Екіншіден, біз Қызыл теңізге (tengri журналының осы санында айтылатын Хургаданы қоса алғанда), Грузияның Қара теңіз жағалауындағы Батумиге және, көбіңіз білетіндей, соңғы жылдары көптеген жоғары санатты курорттар салынған Парсы шығанағының жағалауындағы Әбу-дабиге қосымша демалыс маршруттарын енгізуді жалғастырудамыз. Біз оларды лайфстайлмаршруттар деп атаймыз, өйткені қазір көбі дәстүрлі демалыстар маусымына бейімделмей-ақ саяхаттайды, әрі бұл — қашықтан, онлайн режимінде бизнес жүргізудің және балаларды оқытудың тамаша мүмкіндігі. Үшіншіден, лайфстайлмаршруттар үшін жоғары сапалы лайфстайләуе компаниясы қажет, бұл орайда мен жақында Airbus A321neo Long Range бесінші және алтыншы лайнерлерімізді алғандығымызды қуана хабарлаймын. Көпшілігіңіз сезініп үлгерген де боларсыздар, LR ұшақтары — жайлылық, жабдықталу және сервис тұрғысынан алғанда, ең үздік болып табылады және біздің халықаралық маршруттар желімізде басты орынды иеленіп отыр. Халықаралық бағыттарда ұшудың арзан нұсқасына артықшылық беретін клиенттер үшін Flyarystan әуе компаниясы Нұр-сұлтаннан, Ақтаудан және Атыраудан Грузияның Кутаиси қаласына, сондайақ қарқынды түрде дамып келе жатқан Түркістаннан Ташкент пен Бішкекке ұшатын рейстерді іске қосты.
Халықаралық рейстер желісіндегі шектеулерге байланысты көптеген жергілікті саяхатшылар өздері үшін ел ішіндегі көрікті туристік орындарды ашып, зерттеулерін жалғастыруда. Бұған қоса, мен Air Astana компаниясының да, Flyarystan компаниясының да бүкіл Қазақстан бойынша ішкі бағыттар картасын кез келген талғамға және бюджетке сай келетін рейстермен айтарлықтай кеңейткендігін қуана хабарлаймын.
Air Astana-мен ұшу сапарларыңыз жайлы болсын!
Құрметпен,
Air Astana әуе компаниясының президенті