Meet & Greet жаңа сервисі

2021 жылғы 9 сәуірден бастап Air Astana әуе компаниясы Алматы мен

Нұр-сұлтанға ұшып шыққанда және келгенде, сондай-ақ Франкфурт арқылы транзит жасағанда ұсынылатын саяхатшыларды алып жүру жөніндегі жеке қызмет —

Meet & Greet жаңа сервисін енгізді. Жаңа қызмет жолаушыларға ұшып шығу және ұшып келу пункттерінде бағдар табуға және халықаралық сапарлар үшін қажетті барлық рәсімдерден жылдам өтуге көмектеседі.

Meet & Greet қызметін рәсімдеген жағдайда, Алматыда және Нұр-сұлтанда осы қызметті пайдаланған жолаушыларды телескоптық траптың жанында немесе терминалға кіре берісте қарсы алу ұйымдастырылып, тіркеуден өту мен отыру кезінде және жолжүкке көмек көрсетіледі. Франкфуртта жолаушыны ұшақтың жанында немесе терминалға кіре берісте қарсы алады, тоғыспалы рейске ауысып отыру қажет болған жағдайда, барлық рәсімдерден, соның ішінде жолжүкке қатысты рәсімдерден жылдам өтуге көмек көрсетіледі. Meet & Greet қызметінің құны барлық үш әуежайда бір адамға 20 000 теңгені (немесе 40 еуроны) құрайды.

Қызмет және брондау талаптары туралы толық ақпаратты airastana.com сайтындағы «Менің брондауым» – «Meet & Greet» бөлімінен алуға болады.