Құрметті Air Astana жолаушысы!
Жаз келді және біз демалуды жоспарлайтын адамдарға талғамдары мен бюджеттеріне сай өмір салтындағы бағыттардың мол таңдауын ұсына аламыз деп үміттенеміз. Бұл шығарылымның мұқабасы Крит аралына арналған, шынымды айтсам, бұл аралға 1978 жылдан бері жолым түспепті.
Ондағы Миной патшалығы осыдан 3 жарым мың жылға жуық уақыт бұрын өзінің өркендеу шыңына жеткен, сондықтан 44 жыл — осынау еуропалық өркениеттің бесігі үшін қас-қағым сәт қана. Бүгінде біз маусым айының басында біздің алғашқы
Airbus 321LR ұшағымызды жылы қарсы алған Крит тұрғындарына ризашылығымызды білдіреміз. Черногория, Анталья, Бодрум, Батуми, Ереван және Кутаиси — Air Astana немесе Flyarystan компаниялары орындайтын жаңа немесе қалпына келтірілген жазғы рейстер. Жадырап жаз шығысымен Еуропаға ағылатын демалушылардың қалың нөпіріне тап болудың орнына сіздер Қызыл теңізге, Пхукетке, Дубайға немесе Мальдив аралдарына аттана аласыздар. Жандарыңыз (және Air Astana) қайда жетелесе де, демалыстарыңыздың жақсы өтуін тілейміз!
Осы жазда бәріміз бетпе-бет келетін құбылыстардың бірі — жаһандық әуе тасымалдарының белсенді қалпына келтірілуі. Бұл, пандемия кезінде адамдарды жұмыстан босату мен шығындарды қысқартудың салдарынан көптеген еуропалық әуежайларда орын алған персоналдың және ресурстардың қатты тапшылығымен бірге алғанда, әуежайлардың өздері үшін елеулі проблемалар мен бірқатар қиындықтар тізбегін тудырады. Сіздердің кейбір кешеуілдеулерге ұшырауларыңыз мүмкін деп қорқамын, біз оларды барынша азайтуға тырысамыз және біз үшін әдеттегідей сіздердің қауіпсіздіктеріңіз басты орында болады.
Air Astana-мен ұшу сапарларыңыз жайлы болсын!