Құрметті Air Astana жолаушысы!
Жақында мен Рождествоны тым ұзақ күту керектігін айтып қынжылған кенже ұлыма мынаны түсіндіруге тырыстым: Ньютон уақытты әмбебап математикалық абсолют деп есептесе де, оның салыстырмалылық тұжырымдамасын да түсінген. Тоғыз жасар бала үшін бір жыл оның бүкіл өмірінің тоғыздан бір бөлігі, яғни тұтас мәңгілік болса, мен үшін 60 секундтай өте жылдам өтеді. Ақын Эндрю Марвелл: «Артымда сәттердің қанатты күймесі жүйткіп бара жатқанын естимін», – деп жазған. Осының бәрін айтып отырған себебім — біз тағы бір кезекті жаздың табалдырығын аттағалы отырмыз. Биылғы жылы бәрі ойдағыдай және жазғы демалысыңызды жоспарлаудасыз деп үміттенемін. Әдеттегідей, сізді демалуды ұнататындар арасында өте танымал түрік Ривьерасының қалалары — Анталия мен Бодрум және қазақстандық төлқұжат иелеріне кіру үшін виза қажет болмайтын еуропалық ел — Черногория күтеді. Осы шығарылымның мұқабасында Air Astana рейстерді екінші жыл орындап келе жатқан, Еуропадағы көлемі жөнінен үшінші арал болып саналатын, тарихы көнеден сыр шертетін әдемі Крит аралы бейнеленген.
Жерорта теңізі мен Эгей теңізінің адам қарасы көп жағалауларынан аулақ болғысы келетіндер үшін Азия: Бангкок, Тайландтағы Хуахин корольдік курорты немесе аралдар, сондай-ақ үйге жақынырақ жердегі Грузия, Армения, Орталық Азия және Қазақстанның өзі жалықтырып үлгермеген, ерекше нұсқа болуы мүмкін. Биылғы жылы Air Astana және Flyarystan әуе парктері жаңа лайнерлермен толыға түседі, ал олардың маршруттық желілері сізге болашақ отбасылық естеліктер үшін мол таңдау ұсына алатындай тиісінше кеңейе түседі.
Air Astana-мен ұшу сапарыңыз жайлы болсын!