Taap tolu walai naraag nosugi tongus tologod
SANDAKAN: Taap tolu walai id Kampung Banting, Batu 12 Ralan Labuk, doros hiti, naraag sabap nosugi tongus tologod di tadau Minggu nakatalib.
Tongus tologod kinontodonon do piipiro kaping taap ‘ spandik’ mantad walai Ketua Kampung Kamal Karim nasakat om taap duo walai kagu naraag nogi id kinantakan kiikira jam 1.15 sosodopon dilo.
Kinaraagan taap walai Kamal noindamaan naraag mantad tolu walai ih naraag nogi. Poingkuro poh nga, aiso kinoligaganan kiniopon pinoruput id kinantakan dilo.
Kinoilaan, sanganu walai di nokohompit tumimpuun monginsonong taap di naraag, kalapas tuminodu rasam di ponong sosodopon.