Paati vagu Dr Mahathir manaak Umno, BN ponokiahitan montok kahantoi - Salleh
KUALA LUMPUR: Paati vagu tuidongon bagas Huguan Montili Tun Dr Mahathir Mohamad kapanaak dati UMNO om Barisan Nasional ( BN) ponokiahitan montok hobi kahantoi, ka di Datuk Seri Dr Salleh Said Keruak.
Montili Komunikasi om Multimedia dino ih monoimo tavasi haang Dr Mahatir minoboos do pogun miaga Jepun om Jerman nakahantoi sabap sansaga dioho mindaama montok kotihombus apasi om pogun ngavi miaga Britain samakin tumagak sabap kinopunsoan om kikoulalahon nasantaban ginavo.
“Somoonu ponokiahitan nopo nga avasi songian iho monodo diozu koiho, suvai ko nung iziau kisunduvan om minggisom kumalaja tumoguvang do aaha dati.
“Dadi masaon dati di Matahir monuhung UMNO om Barisan Nasional miampai manaak dagai piipio ponokiahitan sabap ponokiahitan tomoimo avasi montok kapaganu do kahantazan,” ka disido id laman blog disido sskeruak.blogspot.com.
Bendahari UMNO ih vagu linantik dino ingkuo po nga minoboos, koputusan Dr Mahathir ponokotanda do montok do dau sondii miampai otopot do isido au minggisom montok mongumohig UMNO, katapi momunso do paati dino nokomoi.
“Dr Mahathir kootuson dino kotumbozo do toiso-iso lahan montok monimban polinta nopo nga mozo do pomihian tagazo. Tantu no do, au mangakun zi Mahathir do masaon disido minggisom montok mongohon polinta. “Monondos isido, minggisom isido noopo montok papataam Huguan Montili (Datuk Seri) Najib Tun Razak montok mongumohig UMNO, Barisan Nasional om Malaysia.
“Nopo nga kohimazaan, Sosonguhun mimang mongumohig paati ih tandasan kakaal oupus do paati dino nokomoi miampai minggisom montok momunso paati dino. Iho miaga moboos do iziau mimang manampasi tuhun miampai momunso do pomogunan,” ka di Salleh.