Gakum momoguno pisakadazan miampai universiti ginumuan
Pisompuuvan Kounsol Presidin om Koisaan Monunuat Hulumaton Pakakalaja Universit Ginumuan Malaysia (Gakum) momoguno pisakadazan mantad kotoinaan Universiti Ginumuan (UA) do popobuli pakakalaja dosido maganu sakadai tapatutu.
Presidin dosido Ku Azmi Ku Ibrahim minoboospiniot koisaan pakakalaja id UA popobuli do pakakalaja dosido maganu koumbosian mantad boogizan pakalajaan, kasakadazan om kopotutunan sabaagi poingigit kalakaja ginumuan id pogun diti.
“Kosivatan diti au apatut do potohibon do tinimungan mononoodo sabap haang diti, nung biion id nazatan kabansaan hoohobi Upis Pakalajaan Ginumuan i nadadi impoon Kounsol Songovian Kabansaan id INTAN Bukit Kiara no iso hongkod pomohudaan nazatan JUSA,” ka disido.
Noboos disido itiontok minamason id Abaabazan Makan Doungosodop om Abaabazan Ponutuban Konvensyen Pomuuanan Tagazo montok kointohu id Akademi Pomuuanan Pongiaan Takavas (Akept), Nilai,Negeri Sembilan.
Id abaabazan dii, Ku Azmi minonongkotohuod kumaa Kopolintaan Malaysia sabap tinimungan monoodo kiginumu 60,000 nga nokokinam gaji ponimpuunan tosiibo kozo id vuhan Julai nakatahib.
Kiginumu 406,000 pakakalaja ginumuan nokotoimo skim kotoinaan rasionalisasi i pinoboos do Kopolintaan Malaysia maimpai kousinan kigiinumu RM1.4 billion.
Kiginumu 135 mampazat minamung Akept, Nlai, Negweri Sembilan ontok August 8-11.
Izioho nopo nga mantad upisol om pakakalaja sakadazon mantad 20 UA pototongkop pogun kaamung 11 pakakalaja Universiti Malaysia Sabah ( UMS) i togumu no kozo mampazat konvensyen montok toun diti.
Abaabazan apat tadau dii potimpuunon dii huguan potunud,Upis Kotoinaan Ginumuan (JPA), Tan Sri Mohamad Zabidi Zainal id koobian di Huguan Monunuat Pogun, Tan Sri Dr Ali Hamsa.
Om i Montili PongiaanTakavas, Datuk Seri Idris Jusoh popoimagon ponutuban id Dewan Utama Akept.
Id abaabazan dii, Idris popotimpuun buuk Suara Perjuangan i popoiho nokinaman di bagas Presidin Cuepacs, Datuk Omar Osman om isido ponoogi bagas presidin Gakum.
Apat kalatas kalaja pinabanta do hinansan UA i nuhuvan Pelan Penggatian, Pengunaan Teknoloji Pentadbiran, Menguruskan Jurang Dalam Pedkerjaan om Hubungan Majikan Pekerja.