Gerakan Sabah monoinu pomoruhangan tirikohon Dun ontok PRU14
KOTA KINABALU: Mokianu doti o Parti Gerakan do pomoruhangan tirikohon Lamin Koundangan pogun ( DUN) Sabah sabap do otumbayaan o parti dilo do kopongulit do kinangaian tosonong montok mamalantoi koinsanai watas ih mangan pisaapo ontok Pomilian Tagayo Ginumuan ko-14 (PRU-14).
Kumoduo Presiden Gerakan Datuk Dr Cheah Soon Hai minoboros, okon ko saba-baa Gerakan mokianu pomoruhangan tirikohon katapi kapangajamin do tirikohon ih pokionuon dilo obuli alantoi do Barisan Nasional (BN).
“Tokou haro calon momuruan di kikuasa id Sabah om potontuon tokou potitikid tirikohon ih pogisasaapon dilo kaanu mamalantoi.
“Poingkuo poh nga, mositi magandad tokou bogian Tinan Monorina Pomilian Tagayo ( SPR) montok popoboros do koputusan pomoruhangan 13 tirikohon id Sabah,” ka dau id iso pitimbungakan abar kalapas pinotimpuun do pitimungan Tounan Lalansanon Gerakan Sabah ko-20 hiti konihab.
Pogului id pason dau, pagarason om poingkawason do Gerakan o tonggungan parti dilo id Sabah.
Ka dau, Gerakan papanau tonggungan di lobi tagayo id Sabah ontok timpu tabantalan. Gerakan nogi haro ogumu momuruan di opurokis momusorou om nokomoi kosiwatan dilo kaanu papatahak ontok PRU14 tiinu.
“Gerakan Sabah kiguno montok parti dilo miampai koinsasanai sabap PRU13 ngawi di nakatalib, parti diti id Sabah nokoponoluod kiginumu duo tirikohon,” ka dau.
Namot dilo, Timbang Presiden Gerakan Datuk Seri Panglima Raymond Tan Shu Kiah minoboros, nopo nga kiguno montok puru ngawi Gerakan ih pogului diti au osongkuro aparagat tuh tumungag om aparagat kawagu montok sumodia tumoguang miampai PRU14.
Ka dau, sokiro ko Gerakan id Sabah onuan do kosiwatan montok manamba tirikohon, om karaja montok papatantu do kamanangan nopo nga pointantu.
“Gerakan nopo nga parti ih kaampai mantad mogisusuai tinaru om monokisaap id bogian au mongiro tinaru,” ka dau.
Tumanud dau, nopo nga au apatut montok moboros do Gerakan muhang momokisaap noopo id bogian di pinoboros do haro ogumu pongundi Sina toiko ‘rumun’ tagaras.
Minoboros Raymond do ahal ih kiguno nopo nga kopoguluonan onuan nokomoi kosonongon kotorinaan kumaa rayat miampai au mongira tinaru id watas dilo.
Raymond ih nogi Kumoduo Boyoon Montiri nogi pinapatarang do laang disio montok suminuang parti Gerakan nopo nga iso kopotontuan di totopot sabap do parti dilo noopo ih abarani papaharo do kimpin ‘ anti’ susuap.
Nokotindapou nogi id ramai dilo nga Ponorikohon Piturubungan Gerakan Sabah Datuk Gordon Leong.