Toilalaan boros English papawakas tutok tulun Momogun?
BOROS English milo igiton do tulun Momogun do mimwakas (excel) id ponontudukan (education). Susumikul di aparu om opinogot nopo nga kaanu kawakasan id ponontudukan. Pokimamaan id Kotunudan Ponontudukan Sompogunan Malaysia (the Malaysia National Philosophy of Education) nopo nga monuhu do susumikul ngawi do mingwakas id toilalaan ponontudukan id sikulan tosiriba, piintangaan om akawas.
Ogumu susumikul Momogun di nakagamit grade takawas id panaasan do PMR om SPM mantad no do notudukan om minokinongou kopio yolo do tutuduk pongujor (motivation) mantad do mongingia montok poingkuro ralan awakas minsingilo.
Wookon tutuduk pongujor dino kituni do “Isai-isai susumikul nga kawakas id pinsingilaan nung misintotos daa yolo do minsingilo,” ka. Kawakasan id ponontudukan au mongintong do nunu tinaru, osompitan toi ko ababa, poingiyon id labus kakadayan toi ko id kakadayan po.
Pokimamaan do kawakas id ponontudukan no kopogowit ginawo susumikul do misintotos id pinsingilaan dau do minsingilo om okon ko mantad do haro o pongimbarasan do ‘atarom’ toi ko ‘olompod’ tutok.
Aiso tulun do asaga roitan do olompod tutok. Koinsanai tutok tulun di tolidas do atarom do minsingilo ponontudukan. Kobungou do au awakas o grade do aanu do songulun susumikul nopo nga mantad no do au isio/isido misintotos id pinsingilaan dau.
Mantad pomusarahan do misintotos do apatut toinsanan susumikul Momogun do tumanud kopio daa dilo ralan minsingilo moi do kaanu kawakasan id ponontudukan. Susumikul di nokoumbal no do nakaanu grade tawakas (excellent grade) mompus-ompus nodi isio/isido do kisunduan do misintotos do minsingilo moi do kotilombus do kaanu grade tawakas. Susuai ko pokimamaan do mimwakas id grade aanu id panaasan, okon po do gumaras pokimamaan dau monokialib susumikul suai i pointantu no do tumaai dau.
Susumikul suai di tumaai nopo dino nga okon ko otukanaan dau nga manu daa do kousui toi ko karantai id kalantaian di kawakason do grade naanu di susumikul nakalantoi id grade awakas dino. Nga okon ko susumikul di nakaanu grade tawakas no kiharo pokimamaan do minsingilo om kaanu do kawakasan grade id ponontudukan. Susumikul i nonuan do pomohingi miagal ko ‘basug ko’, ka, milo do sumimban mantad hingion nung mokinongou isio ponontudukan poingkuro popoingkawas pokimamaan id pinsingilaan.
Mantad rinoitan do basug, kopuriman i tulun dino do karaaton do topurimanan do hingion. Mantad do pomohingian dino do minggisom isio/isido id koporuon do minsingilo. tu noilaan dau do okon ko poinsandad dau i koluhayan dau suai ko mantad no do au isio/isido misintotos minsingilo mantad do timpuuni. Nga soira do minokinongou isio/isido do tutuduk pongujor do mimwakas id ponontudukan, otompikan nodi tutok om sunduan dau di tutuduk pongujor dino osonong monginsuhu dau tumotos do minsingilo.
Kawakasan do sosongulun susumikul Momogun id ponontudukan kopogowit do rarayou mantad ngawi do tambalut sangampon (peers) dau om mantad tulun ginumuan nogi.
I Kotunudan Pinsingilaan Sompogunan (The National Philosophy of Education) manahak do kotunudan do susumikul ngawi do minggisom do minsingilo id ponontudukan: Ponontudukan id Malaysia nopo nga iso pinggisaman di potimlombus montok do popoburu kawakason do sosongulun moyo ralan di poinggonop om mogitutukop moi do kapalabus do tulun di otumpiyo pomusarahan, sunduan, topurimanan om koinanan, i tumumboyo om tumahak kopio id Kinorohingan.
Pinggisaman diti lansanon do kapalabus tulun Malaysia i abaal toilalaan, kingaran, otulid ginawo, kiburuonon, om koimbogui do momudali kosogit-sogiton poimpori om kopoobi nogi do kosogit-sogiton om komogoton montok tinimungan om pogun sawi-awi.
Pendidikan di Malaysia adalah suatu usaha berterusan ke arah memperkembangkan potensi individu secara menyeluruh dan bersepadu untuk mewujudkan insan yang seimbang dan harmonis dari segi intelek, rohani, emosi, dan jasmani berdasarkan kepercayaan dan kepatuhan kepada Tuhan.
Usaha ini adalah bagi melahirkan rakyat Malaysia yang berilmu pengetahuan, berketrampilan, berakhlak mulia, bertanggungjawab, dan berkeupayaan mencapai kesejahteraan diri serta memberi sumbangan terhadap keharmonian dsn kemakmuran masyarakat dan negara.
Education in Malaysia is an ongoing effort towards further developing the potential of individuals in a holistic and integrated manner so as to produce individuals who are intellectually, spiritually, emotionally, and physically balanced and harmonious, based on a firm belief and devotion to God.
Such an effort is designed to produce Malaysian citizens who are knowledgeable and competent, who possess high moral standards, and who are responsible and capable of achieving a high level of personal well being, as well being able to contribute to the betterment of the society and the nation at large.