Tawau nokolijistol 551 kes kinotutudan
TAWAU: Upis isokTapui om Manampasi Zon Tawau nokopoluput do kiginumu toinsanan 551 kotoinaan momisok tapui nokogompit kinolugian RM4,260,100 om 199 kotoinaan manampasi miampai pongilaan noumohigan RM10,349,900 id timpu sizam vuhan do toun diti.
Tawau zon nopo nga kapaamung Tawau, Lahad Datu, Kunak om Semporna om nokotoimo nogi apat pamahaavan momoudut id timpu sizam vuhan dii.
Huguan zon Tawau Ismaidi bin Haji Ismail minoboos kogumuan do kotoinaan momisok tapui nokogompit sakot ( 113 kes), nosusuut do suvai miampai 46 kes, hamin (30 kes) om kulita (11 kes).
Ismaidi minoboos nogi do mamagakom vuhanut om giavak nga kogumuan miampai 65 kes, susutonon naantakan talaat doid talunalun (61 kes), suvai (41 kes) om mongidu lumun podtizukan (32 kes).
Sinunudan disido o media kahapas abaabazan do pakakalaja kavavagu momisok tapui dikoniab. Kiginumu 93 kadet momisok tapui nokoinsavat pangkat koniab.
“Iti nopo ( koinsavatan pangkat) nga kointutunan do kadet momisok tapui kahapas izioho do minaganu saminisin teori om praktikal. Avasi do pogumuon o kadet momisok tapui,” ka disido.
Kiginumu 130 kadet momisok tapui mantad SMK Balung, SMK Kuhara, SMK Tawau, SMK Jalan Apas, SMK Jambatan Putih omSMK UmasUmas minamung id saminisin dii.