Palit sikul bolisihon pogontohuan togonok aedes
KOTA KINABALU: SJK (C) Che Hwa Kelombong koniab minombolisi palit id kinoizonon sikul do mongidu pogontohuanan togonok Aedes.
Abaabazan dii nakaanu sakadaimantad Upis Momisok Tapui om Manampasi Malaysia laan Lintas.
Pombolisihan diti nopo nga iso haang do mongidu tampat pogontohuanan togonok id sikul diti. Abaabazan dii nga madtahob toluo denggi om virus Zika.
Id abaabazan dii nga mongia nogi do susumikul do mintamong kobolisihan palit mooi do au koontohu togonok Ades id vaig palit.
Kaampazat do Upis MomisokTapui om Manampasi laan Likas do mombolisi palit sikul nga popoinsavat nogi do gontob kobolisihan naait om naazou do Kotinanan Kotoinaan Sikul om toinsanan susumikul id sikul diti.
Huguan mongingia SJK (C) Che Hwa Kelombong, Brenden Ling minoboos do pisakadazan diti avasi do potihombuson montok kobolisihan id kinoizonon sikul.