Kotombuhuzan nakaanu RM6 billion di toun – Joniston
KOTA KINABALU: Tutumombuhui mantad suvai minikot doid Sabah nokogumu miampai hobi 548,000 dioho nokolijistol mantad January kumaa June toun diti.
Ponikoon Kotinanan Kotombuhuzan Sabah Datuk Joniston Bangkuai minoboos do kinoikatan tutumombuhui mantad pogun suvai id timpu onom vuhan do toun diti nokoinsavat do 12.7 piatus piagahon id timpu dii toun nakatahib.
“Dii toun nogi, asil naanu mantad kotombuhuzan kiginumu hobi RM6 lizong,” ka disido.
Ka disido kopolintaan tumihombus do papagazo kotoinaan kotombuhuzan miampai sumakadai do mogisusuvai ajinsi do manaak koumatan kalas sompomogunan do popoumpos do tutumombuhui i ogumu mikot naamot do manampasi do kogingahan do Sabah do monuut do kaanangan tutumombuhui do tumombuhui.
Noboos dii Joniston iti ontok pinopoimagon duvo klip video toniibo kopiondot miampai Tadau Malaysia do momohulumat do tuhun tongosiou Malaysia id Promenade Hotel doiti dii kavavagu.