Kuntirikto, puru pongindapuan om tanak dau dinawa id kes minonipu lobi RM5 riong
KENINGAU: Songulun kuntirikto dinawa id Kuut Sesyen hiti konihab sabap duo panandasan minongowudut/ minonipu kopohompit do tusin kiginumu RM5.73 riong.
Songulun puru pongindapuan, Chai Nyuk Kong, 59 om tanak kusai dau Chai Ven Pin, 31, sompori- pori nogi kotoguang duo panandasan id kuut ih iso’i sabap panandasan miupakat miampai kuntirikto dilo, Ahmad Jasad Salali, 54, montok minomonsoi do kasalan dilo.
Kotolu- tolu natandasan mangakun au kasala kalapas panandasan dilo binasa id toguang Hakim Ainul Shahrin Mohamad.
Ahmad Jasad dinawa au tuminanud pibatasan sub- kontrak ontok 31 Oktober 2009 gisom Julai 2010 miampai pinoposuang do RM5,139,856.77 ih ponogi tusin pambaraian montok projik pamansaian talun alun Taman kekal Pengeluaran Makanan id Km38, Nabawan, doid suang akaun disio sondiri id CIMB Islamic Bank, Keningau hinonggo tusin dilo apatut nopo nga posuangon id suang akaun CIMB Islamic Bank, komponi Ahmad JS Construction Sdn Bhd.
Montok panandasan koduo, ontok 30 Sept 2011 insan kagu dinawa Ahmad Jasad au tuminanud pibatasan sub- kontrak miampai poposuang do RM589,387.20 tusin pambaraian montok projik ih iso’i doid suang akaun sanganu dau id bank di iso’i, hinonggo tusin dino apatut do posuangon doid numbur akaun CIMB Islamic Bank sanganu komponi Ahmad JS Construction Sdn Bhd.
Ahmad Jasad tinandasan tumanud Seksyen 409 Kanun Koinggoritan ih kopogowit ukuman jiil gisom 20 toun om danda, nung katantu do kasalaan.
Nyuk Kong om Ven Pin sompori-pori dinawa miupakat monulung Ahmad Jasad momonsoi ponipuan dilo pialatan 31 Okt 2009 gisom Julai 2010 om 30 Sept 2011, id CIMB Islamic Bank, raan Keningau.
Goduo-duo mianak-anak dilo somporipori dinawa id siriba Seksyen 109 Kanun Koinggoritan sabap miupakat miampai minomonsoi do kasalaan monipu dilo om kotoguang ukuman jiil gisom 20 toun om danda, nung katantu do kasalaan.
Pinatantu di Ainul Shahrin o jominan kiginumu RM200,000 potitikid songulun natandasan miampai songulun panjamin om monuhu do pasport diolo patahakon doid kuut.
Pinatatap disio ontok 17 November tabantalan montok pangaraitan kawagu kes dilo.
Pangadawaan papanaon di Kumoduo Mangadawa Tagayo Gan peng Kun om Ahmad Jasad linansanan di luyar Arthur Bornei, om Nyuk Kong om Ven Pin linansanan di luyat Razali Awang.Bernama