124 susumikul Politeknik Kota Kinabalu minitabang miampai DBKK minomorisi Kg Sembulan Tengah
KOTA KINABALU: Kiginumu 124 susumikul Politeknik Kota Kinabalu minogisosokodung ngawi miampai Dewan Bandaraya Kota Kinabalu ( DBKK) minomoris do Kampung Sembulan Tengah, hiti konihab.
Mayor DBKK Datuk Yeo Boon Hai minoboros do pisokodungan miagal dilo kaanu poposoribau do kopurimanan kumaa tulun ngawi do kiguno kopio montok mintamong kolidangan id Kakadaian Tagayo Kota Kinabalu.
“Suai ko susumikul Politeknik, abaabayan mogitatabang dilo nogi nakaanu pisokodungan mantad siam hotel om kotinanan mantad posorili kakadaian tagayo.
“Pisokodungan di pinaharo diti nogi ponokotanda do kiguno kopio haro pisokodungan di pinaharo montok papalantoi do abaabayan dilo,” ka disio ontok pinotimpuun do Abaabayan ‘ CSR Zero Trash Campaign’ pinanjur susumikul DHK5B Politeknik Kota Kinabalu Koupisan Ponombuluian om Hospitaliti hiti konihab.
Teks pason dau pinolombus di Ponulung Upisor Kolidasan Posorili DBKK, Tobpinai David Jasmi.
Noboros di Yeo do koborisian kinoiyonon posorili mositi tamangan montok kowosian ngaran toiko korikohonon kakadaian tagayo Kota Kinabalu id mato tutumombului.
“Soira oborisi posorili, om tantu noh do kaanu mamagayat tutumombului montok rumikot hiti doulu noh tutumombului labus pogun.
“Pialatan laang tosonong DBKK di papanaon montok popotilombus do kolidangan nga popogirot do undangundang tokoodo ‘anti sampah-sarap’ di pinointutun ontok 2005.
“Pogonuan nogi laang tokodou kumaa di kasala toiko papataam siyamut ngawi id nonggo-nonggo noopo,”ka disio.
Tumanud disio, pinapaharo nogi DBKK do pisokodungan miampai bogian kuut montok mongipop kaparagatan papataam siyamut di nokotongkop id Sembulan.
Ka disio, ontokon danda kiginumu RM500 kumaa potitikid kasalaan suai mantad kikasalaan potontuon montok momonsoi kaparagatan karaja tulun ngawi.
Di kawawagu ka disio, kiginumu apat mogigion nontok laang kalapas iso laang pongintongan pinaharo songowian ngawi tinan pointantu.
“Alansan kopio do laang irad dilo kaanu mongukab mato mogigion kampung doulu noh id Kg. Sembulan okon noopo montok mintamong ‘ imej’ kakadaian tagayo diti katapi nogi montok momunso kes Zika,” ka disio.
Nokotindapou nogi id abaabayan dilo nga ih Kumoduo Potunud Balajaran Politeknik Kota Kinabalu, Dullah Muluk.