Ponuu’an kumuung id Esszone pinotihombus gisom 10 Oktober
KOTA KINABALU: Ponuu’an kumuung id boogizan kavaigan tuu uvang id Zon Oumohig Kohisa’on Sabah ( Esszone) di opupusan baino potihombuson tumimpuun suvab gisom 10 Oktober diti mantad jam 7 dongosodop gisom jam 5 minsusuvab.
Pesuruhjaya Polis Sabah Datuk Abdul Rashid Harun minoboos miampai kopotihombusan dino, tuhun tugumu ih poingizon id boogizan dino nokomoi pokionuon kivaa id daamin om oduan sumuvang do boogizan dino nokomoi poompus timpu dino.
Abdul Rashid id kopoihaan dau koniab minoboos do kavaigan ih koompit id ponuu’an kumuung dino kapaamung uvang Tawau, Semporna, Kunak, Lahad Datu, Kinabatangan, Sandakan om Beluran.
“Kogunoon montok popohombus do ponuu’an kumuung doiho nga montok papatantu do boogizan kavaigan dino nokomoi au osuang do tuhun talaat ih mongundoonok koumohigan mononoizuk sompomogunan ih papanau do ponoizukan om tutumombuhui habus ih tumombuhui pulou podtuongisan,” ka disido.
Tumanud Abdul Rashid tumanud do kopoihaan di notoimo, tinimungan talaat Abu Sayyaf om tuhun talaat mantad kaabatan Filipina ih monoodo panazangan montok kapaganu usin pokihapusan, kakaal kuminam sumuang montok monoodo koimaan talaat momoguno lahan pivohitan.
Ka disido, ponuu’an kumuung dino nogi potihombuson montok mamajamin koumohigan momoguno kavaigan dino om izioho ih poigizon id boogizan tinda Esszone.
Tumanud dau ponuu’an kumuung dino papasanang do popogiotkuasa om pongintongan doid kapaagatan bot, om nogi kaanu monoodo tivou oumohig om kotumbozo doid mongindapu ‘ chalet’ om monginsada miampai koikotan puu koumohigan id posoihi boogizan dosido.
“Manaak zou nogi kuasa doid toinsanan Huguan Pulis Uvang id boogizan Esszone montok papahabus do poomit doid nombo- nombo mokianu montok tuduvan kapaagatan ponginsadaan toi lahan mozo boogizan ponuu’an kumuung di kopononsog,” ka disido. -Bernama