Bomba Ranau minanampasi tingau nansip
RANAU: Tinimungan Bomba om Manampasi Watas Ranau, nakaanu minanampasi songinan tingau tondu di nansip id sawat iso guas kayu pongolumisan kilinangkou 10 meter, doros kakadaian Ranau di kosuabon konihab.
Sontimungan turu puru bomba ih binuruanan di Upisor Bomba Wanan (PBK) Wasli Saupin ih nokotorimo pamalahauan mantad tulun togumu kiikira jam 9 kosuabon suminikap minoi id tampat kinantakan miampai iso padsakaian Scania, om nakaanu minanampasi tayam dilo kiikira jam 9.10 kosuabon minomoguno tukad poimbida.
Tumanud Wasli, tingau dilo ginusa doti do tasu id minsusuab tadau dilo om minanampasi tinan miampai suminalakoi guas kayu songindoros. “Kosisian kopio, tinan tingau dilo nagansip pialatan guas kayu ontok minindahu daa doid tana ontok anawau tadau.
“Osonong mah tuh tulun togumu nokokito tingau nagansip dilo om ruminomut upis bomba montok mokianu ponulungan manampasi,” ka di Wasli.
Idsuang ahal dilo, pinosorou dau o tulun togumu sokiro ko haro tayam piaraon miagal id kinantakan ih iso’i om osorou do momoguno do koumatan montok manampasi, mooi rumomut tosisikap bogian bomba montok laang potilombus.
“Antakan kotutudan, koligaganan nangku toikko tulanut suminuang linominon toiko nunu noopo kawo tayam koligogon ( osiou) kaamung noh moningot tuh rumomut tosisikap bogian bomba,” ka dau.