Minog intongan kawagu gamut padamaan: Hishammuddin
SEMPORNA : Puru Umno Bogian Semporna minog mintong kawagu kinotimpuunon toko gamut padamaan parti montok tumoguang pogumbalan sumusuhut laang momuruan tagayo bogian dilo di minaganu laang luminabus parti pogului diti.
Timbang Porosiden Umno Datuk Seri Hishammuddin Tun Hussein minoboros do montok tumoguang poniisan dilo yolo mositi mongintong totootopot impoon padamaan Umno dilo sondiri.
“Sansagan diolo momili pialatan tambalut om parti, pialatan paganakan om parti, katapi ih kiguno kopio gumuli tokou doid timpuuni toiko gamut padamaan,”ka dau.
Noboros disio ahal dilo ontok pinotimpuun do Pitimbungakan Umno Bogian Semporna hiti koniab.
“Poingkuro poh nga ka dau, Umno Semporna tatap kiharo id impoon di totopot tumanud do kinorikotan togumu lalansaonon doid pitimbungakan dilo.
“Ounsikou kopio isio sundung pia id koyuon kitiwou om tumongob katapi puru ngawi tatap momili parti.
“Umno okon sanganu tososongulun isaiisai, poniisan miagal diti noubasanan noh. Haro momuruan tumongkiad, mongidu pogun om naala katapi mositi koilo tokou Umno lobi agayo mantad tulun,” ka dau.
Minanahak nogi Hishammuddin do pomitanan kapalapasan karaja minonimpuun Umno id Johor gulu poh om kinalapasan Boyoon Komulakan Umno Malaysia ontok toun 70-an di okuudi nga au nokoponinkau parti Umno ih guninaga gisom baino diti.
“Kotuoon Umno Sabah noumbalan noh hinonggo sundung pia kotoguang tokou poniisan om kopongumbalan kaanu tokou mongilo kotimpuunon padamaan parti”.