Stor poopian tumau petrol om duo korita nopunso notutudan

# Onom munggui nosindualan id pinilanggaran duo korita id Ralan Laid Kg. Lakut, Papar

KOTA BELUD: Suai mantad stor poopian tumau petrol, duo tinan padsakaian kaamung korita 4WD nopunso koinsasanai id kinotutudan id Kampung Rampaian Laut hiti di kosuabon koniab.

Luguan Longkod Papanau Karaja ( PGO) Koupisan Bomba om Manampasi Malaysia (JBPM) Sabah Mohd Affendy K Ramin minoboros do kinantakan kiikira jam 9.15 kosuabon dilo minomunso do stor poopian kawo okon kotindohoi om duo tinan korita sompori-pori kawo Isuzu Dmax om Proton Saga.

Ka dau, nokotorimo o bogian dai do pamalahauan kaagaban id jam 9.20 kosuabon om minonuhu turu puru Balai Bomba om Manampasi ( BBP) Kota Belud montok papanau do karaja pomisokan id tampat kinantakan.

“Soira nokorikot id tampat kinantakan id jam 9.41 kosuabon, kinotutudan dilo nokopomunso noh kogumuan bogian stor kilinaab 20x30 kaki persagi om pinapanau tokou karaja minomisok kinotutudan dilo montok mongilag tapui karalad doid bogian posorili.

“Nopupusan karaja minomisok kinotutudan dilo id jam 10.20 kosuabon om aiso munggui pinoruput do nokorundun id kinantakan diti,” ka disio.

Minoboros isio do ponoriukan masaon papanaon montok mongilo kinontodonon tototopot kinotutudan om ginumu kinorugian.

Namot dilo, onom mungui nosindualan id pinilanggaran duo korita id Ralan Laid Kampung Lakut, Papar kiikira jam 10.15 kosuabon koniab.

Minoboros Affendy do turu puru BBP Papar nokorikot id tampat kinantakan id jam 10.27 kosuabon kalapas nokotorimo pamalahauan kaagaban id jam 10.21 kosuabon.

Ka dau, kinantakan kopohompit do duo padsakaian kawo Nissan Vanette om Perodua Axia.

“Soira nokorikot id tampat kinantakan, pinapanau tokou karaja pinapalabus munggui di nagansip id goduo-duo padsakaian dilo.

“Duo munggui id suang korita Nissan Vanette noindamaan nosindualan kaamung papapanau ih kiumur 52 toun notipu id ponong kakod om tolu susumakai suai ih kiumur sontoun gisom 55 toun au osongkuro nosindualan.

“Papapanau Perodua Axia ih kiumur 50 toun nopo nga au osongkuro nosindualan om toinsanan munggui pinaatod doid lamin pongusapan minomoguno padsakaian tulun ginumuan om Ambulas montok pokiubatan potilombus,” ka dau.

Koinsasanai karaja manampasi dilo naawi id jam 11.11 kosuabon, ka dau.

Huguan Umno Boogizan Tawau, Datuk Tawfiq Datuk Abu Bakar Titingan (apat vanan) songovian tombuhui tapantang ih susuvai ontok tuminindapou abaaabazan Pisomoo’an Kalab Umno Habus Pogun miampai Vozoon Montili Sabah, Datuk Seri Musa Haji Aman id PWTC Kuala...

Puru bomba minggisom momisok kinotutudan stor poopian tumau petrol om duo padsakaian id Kampung Rampaian Laut hiti di kosuabon koniab.

Koyuon duo tinan padsakaian ih nopunso nogi id kinotutudan id Kampung Rampaian Laut hiti di kosuabon koniab.