Jom umampai ‘Jambori Mimbosikal MTB XC Challenge PDRM Tawau 12 Mac diti
TAWAU: Polis Tawau manganjul do pialaan Jambori Mimbosikol ‘ MTB XC Challenge PDRM’ Tawau ontok 12 Mac tabantalan, sabaagi laang montok minsingubas do kaparagatan mimbosikol montok koposion tolidas.
Luguan Pulis Watas Tawau, ACP Fadil Marsus minoboros do pialaan ih kumoinsan nogi pohoroon do pulis Tawau dilo poingukab kumaa toinsanan anangan sipoot mimbosikal id pointongkop pogun miampai au mongiro umur.
“Mangaga tokou kiginumu 600 kaampayatan om mongunsub do kaampayatan puru longkod upis pulis id pointongkop pogun kaamung kalab mimbosikal, om gisom baino diti nogi kiharo kaampayatan mantad Tarakan, Indonesia,” ka dau kumaa monunurat abar hiti, koniab.
Tumanud pamalanan, minoboros ih Fadil do pialaan dilo kinomi koponokialit miampai mampayat ngawi mimbosikal tumanud ralan kinuluw kisinodu 35 kilometer tumimpuun om opupusan id Honika Kuari id Tawau.
“Mamayat ngawi pialatan suai kawaya ralan kakabunan sawit, ‘single trail’ ralan asampit, om ralan diti apat paratus noh notiir,” kawagu dau.
Pialaan mimbosikal ih pohoroon miampai pisokodungan agensi popogirotkuasa, koupisan porinta om tinan okon porinta (NGO) id Tawau dilo potimpuunon doti di Pesuruhjaya Pulis Sabah kawawagu Datuk Ramli Din om wawa pinotui di Montiri Komulakan om Sipoot Pogun Datuk Tawfiq Abu Bakar Titingan.
Ka disio, yuran kaampayatan bulun noh RM95 om tulun togumu di aanangan tumanud kopoilaan.
Ka disio, yuran kaampayatan RM95 om tulun togumu di orohian umampai pialaan ‘MTB XC Challenge PDRM’ dilo obuli rumomut di Azwan id numbur popiromut do obuli tumurubung monorina kopoilaan, Azwan id numbur 013- 8689607 montok kopoilan potilombus.