SISINDIRON
Kanou miiso ginawo Mulong ogumu tinaru Ogumu nogi pisuaian Kakamot om dimpoton Santaban momolisok Kosindualan nokotingkau tundu Pisoko sikit tapui Ih katalib id ginawo Uyungo ngaie lisohu Ih nokosokot id mato Mulong ogumu kopolidon Kanou misompuru manalob sontob koimbayatan ih mamaraag pogun tokou Ih moninduol ginawo Monguyas do piuludan Ogumu tinaru ogumu kakamot Osima kolihisan amu Monutun isai koh Miangkawit tokou longon moninogolig Sontob piragaan tulun Gompiyo piompinaian Pogiroto piombulatan Itokou noh sakag dii odu aki Manampasi pusimpuruan hiti guas nabalu napanrang nabantug do Kinoingan Iyati tukad sondion Tanganak ih maso gumayo misingiloh koposiyon selajur Tabi pisompuruan om Pibabasan nabantug Doid pogun Sabah Dodion pombitanan Tinaru suai K. ANTHONIA G Lokos
SOIRA NOPO soira nopo do lumangad oku roitonku ngarannu id suang sambayangku alansan oku no da poinsonong ko kasari id suang kounsikahan om id suang kosimbayanan ALOYINDRA @MOMOGUNSIA
TIRAK Omis tiraknu kogogor iti ginawo kosirot dika ONY BASALIN Kota Marudu
TABI Kayou mitabi tunturu om ginawo iso kuyutan ONY BASALIN Kota Marudu
WALAI Walai moleang iyonon tokou tanak dau kada okosog! ONY BASALIN Kota Marudu
RALAN Mamanau tokou ralan dit otulid noh kada sumimpang! ONY BASALIN Kota Marudu
LONGOI Suminding tokou longoi it koubasanan longoi osundu! ONY BASALIN Kota Marudu
TUMOLUD Yaki om yodu rumikot ot lumaag kotolud mari ONY BASALIN Kota Marudu
TAPUI Sansabai tapui nakarasang ie aman kada gumara! ONY BASALIN Kota Marudu
MINSASARAP Kayou noh mosik mongingkuku’uk noh manuk Aduan tobul! ONY BASALIN Kota Marudu