Sokodung tulun ngawi KDM kumaa BN kakaal ogirot - Ramlee
SEMPORNA: Sokodung tulun ngawi Kadazandusun om Murut (KDM) ih kopohompit do 40 paratus ‘populasi’ id Sabah kakaal ogirot kumaa kopotintaan pogun ih ginamut do Barisan Nasional (BN).
Kumoduo Luguan Kopoilaan UMNO Sabah, Datuk Ramlee Marahaban minoboros do ilo kaanu mongintong maya do sokodung tulun ngawi dilo kumaa buruan tutuo (veteran) KDM ih haro tiwou (aura) sosondiri kaamung buruan miagal Tan Sri Joseph Pairin Kitingan.
“Sokodung tulun ngawi KDM tatap manampaping doid Pertubuhan Pasokmomogun Kadazandusun Murut Bersatu (UPKO), Parti Bersatu Sabah (PBS) om Parti Bersatu Rakyat Sabah (PBRS),” ka dau.
Noboros disio ahal dilo kuminaa monunurat abar kalapas pinapatahak do sakadai kuminaa 88 boyoon paganakan munggui kinotutudan Kampung Balimbang om Kampung Hampalan di toun nakatalib, hiti koniab.
Ramlee ih nogi Panakadai Montiri Kousinan Pogun minoboros do sundung pia kiharo tinimungan ‘radikal’ doulu noh sinakagon Y idsuang KDM ih tuminanud blok pambangkang, ‘aura’ buruan KDM kakaal intongan takawas tulun ngawi dilo.
Om nogi, ka dau kinalaan BN id pomilian tagayo ginumuan id piipiro tirikohon ‘majoriti’ pongundi KDM pogului diti au kopokito do au monorimo o tulun ngawi dilo kumaa BN.
“BN tatap kiharo id rontob tosonong om kaanu kotumbayanan mantad tulun ngawi KDM soira kakaal kaanu mamalantoi tirikohon suai,” kawagu disio. -Bernama