Kompliks pomutanaman todoon id Kota Kinabalu

Sabah kivao nodii do Kompliks Tomu i todoon id Kota Kinabalu.

Ponikoon do Kotinanan Padagangan Pomutanaman Pisompuuvan (Fama) Tan Sri Haji Badruddin Amiruldin kompliks dino osomok do kopiaga do Padagangan Momumutanom id Satok, Kuching.

Ka disido ponodaan nopo do kompliks dii nga potimpuunon do toun diti ahapas po pibaasan miampai do kopolintaan pogun do mogium iso tampat tavasi.

“Kompliks diti popokito do koubasanan do mamasok Sabah suvai ko dumadi iso hongkod ponimungan montok asil pomutanaman mantad pototongkop pogun. Zosido nga magahung nogi do tutumombuhui mantad soboong daat om id suang pogun kumaa doid kompliks,” ka disido kumaa doid magaganu abal kahapas suminasi do iso pinisainan id piahatan 16 mongingindapu mantad Tenom om Keningau, doiti. Ka disido Fama, id kapavakasan do boogizan pomutanaman, nga monoodo nogi tomu kouvaan kinoizonon id toisoiso uvang, suvai ko monoodo hongkod tonini ponimungan montok asil pomutanaman id sokid.

Poguhu i, Badruddin minoboos Fama pinapatantu hoogo do mogikakavo o punti do 80 sen sokilogram, tumimpuun mantad February 12.

“Fama momohi do asil pomutanaman miampai hoogo tapatut mantad momumutanom om momumutanom nga au olugi maza mimpapandai papatantu hoogo,” ka vagu disido.

Nokotindapou nogi i puu palimin Tenom Datuk Raime Unggi, hansanon layat Kemabong, Datuk Rubin Balang, potunud tagazo Fama Dato Ahmad Ishak om upisol uvang Madiyem Layapan.

Badruddin (poingkakat kaapat vanan) sumasi do pisanan. Okit nogi i Raime (poingkakat koduvo vanan),Rubin (kaapat vanan) om upisol Fama omkopolintaan.