Susumikul SK Pantai Labuan polisaon nipon
Kiginimu 610 susumikulid SK Pantai minokipolisa nipon om nosunudan kalalahano mombulus nipon totopot miampai Boogizan Kohidasan Konipanan Labuan ontok Tadau Koiso.
Tabaa nipon Sitti Moning Amir minoboos tuduvon nopo do pomolisaan nipon dii nga mintong gontob kohidasan nipon do susumikul id sikul dii.
“Kivao pipio sabap i mositi biion do mohoing, koumatan doid klinik, kobohingkangan kousinan,okuang pinghudaan do mohoing om mongingia,” ka dosido.
Susumikul id Labuan notoodo iso toguvangon i minanaak pomolotian poinponu do maganu gontob kohidasan kabang om nipon i tavasi kaaga miampai kinouvangan dioho.
Sabap diho, Boogizan Kohidasan Konipanan Labuan minaganu kalaja do papaazu mogikaakavo abaabazan hoohobi susumikul om mongingia balajaln poimbida id onom sikul miaga SK Pekan Satu, SK Oantai, SK RanchaRancha, SK Bukit Kalam, SMK Lajau om SMK Mutiara.
Songuhun vagu Tabaa nipon, Genieve Iba minoboos, vookon pomolisaan i mositi todoon nga mombulus nipon induvo sangadau momoguno tubat kifluorida, monguang takanon toomis om tinumon toomis.
Monginum vaig toomod, mangakan kinotuan om kouvaan om mokipolisa nipon insan sontoun katahob do huukon o nipon.
“Mohoing unsubon do mogovit dotanak dioho kumaa doid klinik sokukuang induvo sontoun montok kohidasan do nipon om kabang montokkoumbosian dioho,”ka dosido.
Abaabazan dii notindapou di huguan mongingia SK Pantai, Mahani Haji Hussin, Abdul Kahar Rahim, Azlina Abdul Garip omHalifah Salim.
Nokotindapou nogi i Nur Rashidah Johari, Norhuzaimah Abdullah om Majid Ajang.