Kona Liau nakahantoi piboian Ponongkusan 10k Penampang
Kona Liau nakahantoi do piboian veteran koonduan id Ponongkusan 10km Penampang.
Iti no kinahantazan kointohu diiKona i tuminimpuun om nopongo id Stadium Penampang.
Hamisah Antahar om Chong Vun Liong nakaanu tampat koduvo om kotohu.
Id veteran kokusazan, Yusuf Tungkob nakahantoi songian minagaha dii Ruston Masri om Guainus Salagan.
Id boogizan poingukab, zi Wincentbert Latius nakahantoi do abaabazan dii minagaha dii Fabian Osmond om zi Refson Tiri nokolumbul kotohu.
Id piboian koonduan zi Marlin Hing William minagaha dii Madeliene See omMailin Salungin Ripau.
Upisol uvang Penampang, Luvita Koisun pinopotimpuun ponongkusan dii kisinodu tohu kilomitol.
Luvita minoboos do avasi naangazan pinongozuvan do MS Sport & Event Management do kotohu toun nodii misusuut.
Ka dosido abaabazan dii okon nopo ko nakagazat 1075 mananangkus katapi nakasakadai nogi do popobuu poguzatan tinan om magahung tutumombuhui mikot id Penampang.
Naamot, SM St Michael Penampang nakaanu sakadai mantad do mangangazu id nombo i huguan sikul Jennifer Asing minonoimo id koobian do sikul.
Kiao nogi do ponimpuutan tikit kinasip id nombo songuhun dii nakamanang nopo nga huhumozou kinoizonon S. Wheely i songuhun minonongkibaai.
Macson Enrico do MS Sport & Event Management minonongkotohuod kumaa dii upisol uvang, trafik pulis Penampang, mononoina Kompliks Sipoot Penampang, Laan Red Crescent Tuaran, Red Bull Malaysia om 100 Plus om toinsaan i nokogompit id pinongozuvan abaaabazan dii.