Kosonongon padamaan Umno opurokis

# Kopongimbulai do ataian o parti pambangkang - Sapawi

SIPITANG: Kawakasan om kopurokisan padamaan ih pinokitonan do UMNO Sabah kopongimbulai do tiwou ataian kumaa parti pambangkang.

Boyoon Kopoilaan Umno Sabah Datuk Sapawi Ahmad minoboros do mogisusuai laang wonsoyon do pambangkang montok mangasou Umno Sabah.

“Laang dilo okon mantad momuruan pambangkang mantad pogun diti noopo katapi nogi mantad pogun suai katapi asil dilo Umno Sabah kotilombus ‘Tatap Mantap’,” ka disio ontok romuto id abaabayan Ponongkusan Bondira Umno kopinamot pangaramitan kinouliton toun Umno hiti koniab.

Minoboros isio do piromutan togirot puru Umno id toinsanan bogian nopo nga kaantaban tagayo kumaa pambangkang.

Ka disio nuludan kopomuruanan id bogian kabansaan, pogun, bogian om raan haro piromutan di ogirot kopio.

Tumanud disio piromutan dilo noh ih kopongimbulai do ataian o pambangkang.

Ka disio osusa kopio pambangkang montok momonsoi piromutan di togirot miagal ih winonsoi do Umno.

“Kawakasan om kopurokisan piromutan dilo noh ih popoimbulai do kosonongon padamaan puru Umno pogun diti,” kawagu disio.

Minoboros isio do kapawakasan om kopurokisan dilo nogi pinokito do umno idsuang piromutan diolo miampai parti pikoruhangan.

Ka disio piromutan togirot om awakas miampai parti pikoruhangan papataru do Barisan Nasional (BN) Sabah osusa montok paparatu.

Poingkuro poh nga noboros di Sapawi do kopurokisan dilo tatap au kopomonsoi Umno om nogi BN montok monolikud rayat.

Katapi padamaan montok rayat tatap ahal tagayo om padamaan dilo au insan kosimban, ka disio om minanamba do pokumamaan tagayo dilo noh ih koponumboyo rayat kotilombus otumbayaan miampai Umno om BN.

Kokomoi do ponongkusan dilo, noboros di pamalanan om pongunsuban doulu noh kumaa sinakagon tomulok do padamaan Umno kotilombus ‘relevan’ ontok potitikid timpu.

Boyoon Umno Bogian Sipitang dilo nogi minoboros do ponongkusan bondira diti nogi ponokotanda do Umno kiharo id koyuon poinsodia id padamaan om tikid pangalapauan kopomuruanan diolo ogirot miampai sunduan ‘patriotisme’ om oupus do kumaa parti.

Nokotindapou nogi id abaabayan dilo nga kaamung noh Kumoduo Boyoon Umno Sipitang dan cintakan kepada parti.

Hadir sama pada majl Datuk Kamarlin Ombi, Timbang Boyoon Umno Sipitang Datuk Ahmad Bujang,Monunurat Umno Sipitang Alidin Mohamad, Boyoon Koonduan Umno Sipitang Datuk Surinam Sadikun, Boyoon Komulakan Umno Sabah Yamani Hafez Musa om Boyoon Puteri Umno Sipitang Suzie Hamat.

KISUNDUAN...Sapawi songowian Kamarlin, Ahmad om sontonudon minamngkis do ‘Tatap Umno’ id abaabayan dilo.

AWAKAS...Sapawi songowian Kamarlin om Ahmad minogowit bondira Umno ontok Ponongkusan Bondira Umno Nayatan Umno Bogian Sipitang.

KONVOI...Sapawi, Kamarlin om Ahmad pinopoidu do ‘konvoi’ ponongkusan bondira Umno id Natad Esplanade Sipitang.

OSUAU...Sapawi songowian Kamarlin, om Ahmad minokigambar kaandaman songowian tinimungan mimbuul Umno Sipitang ih lumansan do Umno Sabah doid Karnival Sipoot Umno id Kuala Lumpur.

ALBUM...Sapawi songowian momuruan Umno Sipitang minokigambar kaandaman poirikau id motosikol kikuasa akawas ontok id abaabayan dilo.