Kaandangan, pisompuruan ponoluod tagayo doid kalantayan pogun - Kurup
KUALA LUMPUR: Kaandangan pulitik om ekonomi om pisompuruan id pialatan rayat mositi potilombuson montok papatantu do kalantaian pogun di kotilombus, ka di Montiri id Koupisan Luguan Montiri Tan Sri Joseph Kurup.
Minoboros isio do sabaagi montiri ih kitonggungan montok pisompuruan, nosiliu tonggungan disio montok toririmo mongunsub om popogirot do kolumaagan, pisompuruan om pinorintan kumaa tulun ngawi toiko mogigion ngawi id pogun diti.
“Toririmo otumbayaan oku do iso pogun di otoonong tumimpuun miampai paganakan di olumaag ih nakaanu kotundaan pomulaminan di olumaag,” ka disio id abaabayan ‘Anugerah Pemaju Berprestij Property Insight’ (PIPDA) 2017 om makan sodop hiti sodop koniab.
Minoboros ih Kurup do tulun ngawi ih misompuru gumirot kaanu papaharo do nuludan miiso kaamung mantad kawo momunso kaparagatan di au osonong id bogian songindoros diolo.
Abaabayan dilo pinanjur do Property Insight montok mamaramai do popoburu nointutunan om pinopoimagon do toluod diolo kumaa pogun.
Id abaabaayn dilo, piipiro ‘anugerah’ pinatahak kumaa nakamanang.
Iyolo kaamung noh anugerah Popoburu Wagu Nokoimbulai Poinsosonong ih namanang di M101 Holdings Sdn Bhd, om D Aman Residences Sdn Bhd nakamanang anugerah Popoburu Pomulaminan Kaanu Moninganu Poinsosonong om Anugerah Popoburu Kinangaian Tosonong namanang di Ideal Property Group.
Potunud monorina karaja tinimungan LBS Bina Group Berhad Tan Sri Lim Hock San pinungaranan sabagai “Personaliti Terbaik”.
Pialatan ponorimo anugerah ‘Pemaju 10 Terbaik’ nga Tropicana Corporation Berhad, Mah Sing Group Berhad, Uda Holdings Berhad om I& P Group Sdn Bhd.-Bernama