MINSINGILO BOROS KADAZANDUSUN APASI BOROS, APASI TINARU

BOROS Kadazandusun atampasi nung gunoon do tlun Kadazandusun do moboros tikid tadau. Pomoros tokou kumaa tambalut, tanak om tombului mantad pogun suwai i koilo moboros English. Tombului dino orohian om aangkal mongilo boros tokou tu manu yolo monokiboros tulun kadazandusun tu mamasok ponogi diti pogun om poingiyon id labus kakadayan.

Orohian tombului kaandaha kinoiyonon tulun Kadazandusun om mangandaha kinoyonon tulun Kadazandusun. Tontok mogirumo diolo, tudukan daa tulun Kadazandusun yolo do boros Kadazandusun. Timpu baino kogumuan tombului totos kaandaha id longkod om kakadayan id pogun diti nga apagon yolo kaandaha id kinoiyonon tulun Kadazandusun id labus kakadayan.

Somonu doti do kaanu yolo liwang mangandaha kinoiyonon tulun Kadazandusun id labus kakadayan om timpu dino do kosiwat yolo umampai tulun Kadazandusun id kaparagatan tinan miagal ko mangasok, mongomot, pogkuaman longon (handicrafts), om modop id sulap tulun Kadazandusun id tanga dumo. Tontok dino, boros tinaru Kadazandusun noopo o boroson om tudukan tombului dino do moboros boros Kadazandusun miampai kaanu yolo buuk pimato boros Kadazandusun ii aiso pamalapus. Buuk pimato dino mirati boros English.

Sumusuut diti nopo nga piipiro boroson id boros Kadazandusun di lansanon gunoon tokou monokiboros do tombului om gunoon do tombului monokiboros daton do soira nopo om hinonggo nopo kinoiyonon id pototongkop pogun diti. Kopisanangan do mambasa.