MINSINGILO BOROS KADAZANDUSUN APASI BOROS, APASI TINARU

Nulud di josephyabai@yahoo.com

BOROS tinaru no i apatut ginoon do sanganu do mogiboboros id lamin to ko modsinding,, monuduk mom sumambayang di walai pangarayahan do Kinorohingan id labus kakadaian om id kakadaian nogi. Tonudo iti pinibarasan di Rene om i Jimmy di wawaagu. Pinibarasan diolo dino dinalin rati kumaa boros English. Boros tinaru Kadazandusun om boros English koduo-duo minog do osingilaan (learnt) do tulun KD. Mantad dino aiso kawagatan ginawo do koilo koduo-duo boros omgunoon toilalaan dino do mambasa insan pambasa. Laang mambasa miagal diti kopiirad rati di iso pinukadan English: “To kill two birds with one stone,”ka (iso no watu nigarab nga duo tombolog noduso (naanu), ka.) Kopisanangan do mambasa.

Rene: Nokuro tu asaru ko sumirot doho? Miagal oku manaku tompu okito nu? Why do you always look at me? Do I look like a ghost to you? Jimmy: Okon. Okon gia ko miagal di. No. It is not like that. Rene: Nokuro di? So why? Jimmy: Au ko kosuhut onuu topurimanan id ginawo ku kumaa dika. You cannot understand what I feel in my heart towards you Rene: Kada porolomo rati kabarasan nu kumaa doho Please do not speak too intellectual words to me Jimmy: Nung asaru kusai sumirot tondu osonong o pantakan dau di. If a man always look at a woman his intention is good. Rene: Poilo oku nunu kobungou om tumingkod oku i au asanangan siratan oku dika asaru om alaid. Please tell me the reason so I will stop disliking you staring at me always and for long Jimmy: Au oku tumingkod sumirot dika. I will not stop looking at you Rene: Nokuro? Why? Jimmy: Noboros ku no dika di tiinu do osonong o pantakan do kusai sumirot do tondu lolobi po om tondu tolundus miagal dika. Rene: Kada kadalaai mangarayou doho. Please do not admire me too much. Jimmy: Nokuro tu au? Why not? Rene: Ogumu po tondu suai i poinlundus ko mantad doho. There are many other women who are more beautiful than me Jimmy: Ika no tondu poinlundus kopio id kinoyonon tokou You are the most beautiful woman in our village. Rene: Nunu komoion nu do olundus? Turos no? What do you mean by beautiful? Is it facial only? Jimmy: Okon. Koinsanai kinonduon nu. No. It is all about your femininity. Rene: Eh, Jimmy, haro moti tambalut nu tondu dino? Eh, Jimmy, you must have a girlfriend? Jimmy (nokongingis): Aiso i. (Grinning): Nothing. Rene: Eh, topot toi? Pongiwoguan oku ma dino tambalut nu? Eh, are you sure? Your girlfriend might be jealous on me? Jimmy: Au. Au ko po nokoilo diti koinggoritan ku. No. You didn’t know my suffering. Rene: Osonong do poiloon oku dika om olingasan ko i. It is better for you to let me know so that you will be healed. Jimmy: Ba, nga tiinu. Kano poh moi akan. Louson oku no do adalaan, au ku minakan kosuab. Ok, but later. Let us go for our lunch first. I am very hungry, I did not take my breakfast. Rene: Subakon oku dika makan tangadau? You want to treat me for lunch? Jimmy: O. Korohian ku miagal di. Yes. It’s my pleasure. Rene: Kounsikaan ku togumu kumaa dika oi Jimmy. Opuhawang ko tomod. I thank you so much Jimmy. You are so generous. Jimmy: Kada boroso iri. Don’t mention it.

Iso ralan tosonong montok Kadazandusun manampasi boros tinaru nopo nga moboros yolo id boros tina. Tulun Kotonobon moboros do “Boros nopo nga boroson” (language is spoken) ka. Komoyon dino nopo nga aiso guno boros nung au no boroson. Boros nopo nga gunoon do mogirarati nunu suang do pomusarahan om ginawo. Dila i mangadawot do boros. Boros di au boroson nopo nga atagak. Boros KD no i agayo koligaganan do atagak tu au no koilo kogumuan sukodwagu moboros boros KD. Uhang diolo moboros noopo boros tulun Malaya. Kosolimbaan manampasi boros diti nopo nga kituduwan magangat mamambasa ngawi do mongilo nunu ka karalano pibarabarasan di Aini om ii Billy miambalut namot poinsakai korita id pamanahon do songulu diolo id iso niwadan id doros kakadayan. Kopisanangan mambasa.

Aini: Kopisanangan id kosuabon, poingkuro naangayan nu tadau baino? Billy: Kopisanangan id kosuabon, osonong-sonong oku i, pounsikou.poingkuro naangayan nu dika? Aini: Osonong-sonong oku i, pounsikou. Billy: Orohian ko papanau korita? Nunu korita korohian nu, tagayo toi ko tokoodo? Aini: Orohian Billy: Tagayo Aini: Nokuro tu arahi ko korita tagayo? Billy: Korita tagayo nopo nga agaras Aini: Nga agayo gatang do korita tagayo Billy: Oilaan ku i Aini: Piro no koloido toilalaan nu popoibok korita? Poingkuro ko dika? Billy: Limo no toun. Songkuro no koloido kinoloido nu popoibok korita? Aini: Au oku popoibok korita Billy: Nokuro, aiso po lisin nu? Aini: Koilo oku popoibok nga aiso po lisin ku popoibok Billy: Haro koborulangan nu popoibok toi ko maganu lisin? Aini: Aiso nga mokituduk oku noopo poingkuro popoibok korita id niwadan Billy: Siou, au oku milo monuduk dika Aini: Nokuro? Billy: Sabap okon ko monunuduk oku popoibok Aini: Au minog do sumiliu ko monunuduk popoibok do monuduk dogo. Billy: Ba, poingkaa: Tumood ko saira mogindirikot do niwadan. Tumingkod (kumadada) ko id disan di niwadan do popogulu korita suai. Billy: Sumuang ko di niwadan nung aiso no korita id niwadan. Billy: Nung kumaa ko id wanan om lumabus id jaam kotolu mositi no do manahak ko do signal kumaa wanan. Billy: Om manahak ko kawagu signal kumaa gibang pogulu lumabus mantad niwadan dino Billy: Id niwadan kiguno kopio manahak do signal om popogulu korita di hiri no mantad niwadan dino. Billy: Kada no umbal do mongimpogulu korita suai id niwadan Billy: Iri-iri no milo ku potudukon dika Aini: Pounsikou tagayo Billy: Miagal nopo