MINSINGILO BOROS KADAZANDUSUN APASI BOROS, APASI TINARU

Nulud diTatak Barambang

KIGUNO apasi boros tinaru Kadazandusun id pogun diti tu nung aiso boros tina, tinaru nga korundun do atagak. Sinakagon diolo sumiliu tulun di aiso kointutunan om rumusod dii yolo dilo tinaru tangagayo id pogun diti.

Tulun Kadazandusun sondiri ii sonsolon nung atagakan yolo tinaru. Kointutunan do atagakan yolo tinaru insan maso okito moyo koulalaho molohing miampai tanganak au moboros boros Kadazandusun sundung po mahdo atus paratus yolo otitimung id labus kakadayan om id walai sondiri, id pitimungan om id walai panambayangan. Lumohou yolo Kinorohingan do boros tinaru suai sundung do aiso i tulun suai parangahan diolo boros dino. Osonong nopo daa nga gunoon boros tina moi do koingod kopio o pokikinongou tanganak di tudukan. Nga korutum kawagu tu tanganak diolo au no karati mokinongou doulu po om koilo moboros. Isai di sonsolon diolo?

Soira natagak nodi boros Kadazandusun id pogun diti, uhoton nodi yolo dilo tinaru suai id nonggo nodi boros tinaru dokoyu ka, om oduhan doti diolo tulun Kadazandusun momoguno boros suai do rumayou Kinorohingan id walai panambayangan om nogi maso mongulud abaabayan tadau kaamatan.

Tinaru Sina om India momoguno boros tinaru diolo do mongulud abaabayan id walai panambayangan, pitimungan om kapangarayahan tadau tagayo diolo. Boros di napatai au nodi apasi kawagu.

Sumusuhut diti nopo nga pinibarasan id boros Kadazandusun di Josie om i Julius di wawagu (ngaran tulun au otootopot ii sangaran, om timpu, kinoyonon om uhu pinibarasan au otootopot ng asinupu do mangan polombusan pokimamaan kootus o ralan kopomogunaan do boros tina id pibarasan om nung nakasangai ngaran nu, siou tu au tinomod). Kopisanangan do mambasa. Julius: Josie, muhot oku dika: Nokuro mah tu manansawo o tulun? Josie: Nokuro tu muhot ko ponguhatan dino? Au ko manaku dika manansawo? Julius: Au. Josie: Nokuro? Julius: Araat oh tondu. Women are bad. Josie: Au oku otumbayaan dika. Nokuro tu asaru ko mangarayou tongondu tongolundus osiratan nu id Internet? Julius: Mangarayou oku diolo nga okon ma ko ongoyon ku yolo. Josie: Ah oilaan ku ginawo kusai kumaa tondu. Julius: Poingkuro? Onu komoyon nu? Josie: Kusai poingalib arahi mintong linundus tinan tondu ko mantad po do ginawo tondu. Julius: Sandad kusai miagal dilo om okon ko songulun oku ii. Josie: Winorun do Kinorohingan i Adam om i Iwa om piniangayan diolo pinapasakag do tulun id pomogunan diti. Julius: Ah au opusou kusai sumakag o paantakan miongoi. Orohian noopo kusai miiso do tondu id todopon. Josie: Au kasala ri nung wonsoyon idsuang do piangayan. Julius: Piisaan do kusai om tondu adalaan kosonong gowoi po om au diolo akadasan. Josie: Nunuu komoyon nu? Julius:Aiso piniangayan nga midudun i o kusai om tondu id todopon. Josie: Isai tandasan nu? Julius: Aiso. Noboros ku no di tiinu do sandad kusai arahi dumudun tondu. Josie: heehhehe Julius: hehehhehe